Mattaayo 9:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Yeesso urur leeyyeedaayi, etoo minki weysiite Yaꞌhuud iween yimiyye, ortiis ka jilbo il kaguꞌdde wahte wihi us yidah, “Inanteey toolla dow on bujje, iꞌdaasenyi kaale dahantaah kaꞌdaare, ꞌdee jiro a ꞌhesso.”

Mattaayo 9:18 ပူးပေါင်းရင်းမြစ်များ

Mattaayo 14:33

Abattiti kooban goya kijirte la jilbo il kaguꞌdubte, Yeesso wahatte, “Rumanka ati Weeli Waakhe,” tidah.

Mattaayo 15:25

Makhaabale la timiyye ortiis ka jilbo il kaguꞌdubte, hawwaassatte, “Kamuraaw, igargaar!” tidah.

Mattaayo 17:14

Chiꞌicho urur iyamiitiin, etoo Yeesso iyimiyye ortiis ka jilbo il kaguꞌdde.

Mattaayo 20:20

ꞌDeerka abar yeele Sebedaayo yeeletiche khabtaayi Yeesso itimiyye, ortiis ka jilbo il kaguꞌdubte ichehi wohoo liiyeelo ꞌdoontaa.

Mattaayo 28:17

Chirri icho usu argeen ka, usu wahteene, iꞌdaasenyi gaasichokoo usu kamalaleen.

Mattaayo 8:2

Etoo buꞌdatoo uskul sar kasoofoofte la Yeesso iyimiy. Ortiis ka jilbo il kaguꞌdde, wihi us yidah, “Kamuraaw, chirri at ꞌdoonto, at biꞌdir ibihin a tabuuꞌd.”

Mattaayo 8:25

Abatti Yeesso iiratte, kihisse wihi iche itidah, “Kamur, inno rib, bicche a inno khaataanee.”

Mattaayo 9:17

Ommolla et farsoti sabiibe husub, urgohi uktoote raagan kachibo mele. Chiꞌicho iꞌda yeeleen, urgo a dowaane, farso khubatta, urgo laka lawaaya. Iꞌdaasenyi farsoti sabiibe husub urgohi uktoote husub on lakachiba. Iꞌdaas ka farso ma khubatti, urgo laka ma dowaan.”

Mattaayo 9:19

Yeesso tolossate, abattitiis khabaayi makhaabal raahe.

Mattaayo 9:24

Wihi us iyidah, “Khar ibaha, iname ma umaatane, iꞌdaasenyi a uꞌdurta.” Icho tuumman la usu kareyteen.

Luuka 13:14

Jeenteti Yeesso makhaabassa Seeri Lanaso isamaachuu, eti minki weysiite Yaꞌhuud itoollo weyti hollowe. Ulla wihi us ꞌdooꞌd iyidah, “Ibeen lih enenyet hiliis haagsati a jirta. Eti khannan ꞌdeerka ibeenneta lihe goyaka a yimaate a lasamaacho, Seeri Lanaso mee.”

Luuka 18:18

Etoo Yaꞌhuude ween wihi us Yeesso worsate, “Eti weene haaggan, mehe yeelo ꞌdee jiroti jirtuu imassan ꞌhelo?”

Luuka 7:2

Etoo koobbintoo iskareet itoollo la ilbooyiiskoo us weyti ꞌdoono weyti khannanyahe, a omoottanyahe.

Yoohana 11:25

Yeesso la wihi us iyidah, “Ani enenyet omoot kasookahcha, toro jiro siicha. Eti tuummane ani irummeeste, chirri us yumuy laka jiro a ꞌhela.

Yoohana 11:32

Maariya inti Yeesso kajire sooeleesse, uus iche Yeesso agarte ka, luhlohiis ka jilbo il kaguꞌdubte, wihi iche tidah, “Kamur, kootte at inta kajirte ka, walaaleey ma yamuut.”

Hilassi Ergaano 13:15

Inkoo Chiirnaanneti Amurre ichoow ti ꞌDooꞌdi Waákh Íyeyyeedo lasoome ka, ꞌdooꞌdi minki weysiit itoollo icho waheene wihi icho iyidaaheen, “Yaafeey, chirri atin yeedoo enenyet uur miigoocho khabtaan, kaaleya cheeka.”

Hilassi Ergaano 28:8

Aabba Baabiliyos la a maya, adahe kabahta sare a kuleele a jiifa. Baawulo la min gele usu argaa, dahan korche iweeste samaache.