Mattaayo 9:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Yeesso la yeed orey iwoye wihi us yidah, “Et goonankoo dafareete husub gaaddiisti raagane kharradde kadaddabo mele. A mehe goonankaas husub a isinyaama kharradiche la orey isohta.

Mattaayo 9:16 ပူးပေါင်းရင်းမြစ်များ

Yoohana 16:12

“Wihi buurenye an atin isoocheeko a jiraane, iꞌdaasenyi toolla a atin kahulees.

1 Koriinto 13:13

Maantaka, waha seyyahcho a sooꞌhadaan, kakhuufnaanki inno Waakh kakhuufno ichoow khajjeeli inno Kiriisto khajjeello ichoow ꞌdooninti inno enenyet ꞌdoonno, iꞌdaasenyi ti weyti kutto, a ꞌdoonin.

Mattaayo 9:15

Yeesso wihi us ilaabe, “ꞌDooꞌdi mindischo yimiy ma ooyo geeddi eti min disti intaas kijiro menya? Maane a tamiit ti ꞌdooꞌd eti min disti lakakhaato, ꞌdeerka ꞌdooꞌd af hiiti.”

Mattaayo 9:17

Ommolla et farsoti sabiibe husub, urgohi uktoote raagan kachibo mele. Chiꞌicho iꞌda yeeleen, urgo a dowaane, farso khubatta, urgo laka lawaaya. Iꞌdaasenyi farsoti sabiibe husub urgohi uktoote husub on lakachiba. Iꞌdaas ka farso ma khubatti, urgo laka ma dowaan.”

Marko 2:21

Yeesso la yeed orey iwoye, wihi us yidah, “Et goonankoo dafareete husub gaaddiisti raagane kharradde kadaddabo mele. Chirri us iꞌda yeele, goonankaas husub a isinyaama gaaddi raagan la kharradiche orey isohta geeddi oraat laka kuta.

2 Koriinto 9:12

A mehe hila ꞌdooꞌd lagargaaro atin gessaan ꞌdooꞌdi Waakh gargaar kalday ma gargaaro, iꞌdaasenyi kalaꞌddi buurenye Waakh liilaabo laka a dela.

Luuka 5:36

Yeesso ꞌdooꞌd imammahte wihi us iyidah, “Et goonankoo dafareete husub soogoocho, too raagan kadaddabo mele. Chirri us iꞌda yeele, dafarti husub a khakkharradiche, goonanki dafarti husub ichoow dafarti raagan la ma isgelaan.