Mattaayo 8:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Yeesso ꞌdeerka wihi us iyidah, “Etoo kalday laka jit ka aleeyeedine, iꞌdaasenyi kuhaani iiro, saggi at isamaatte istus. Sadakhati amurre Muusa kachiirane eti buꞌda lakabahche bahcho bihiche, ꞌdee garti saggi lakisamaache a titaahe.”

Mattaayo 8:4 ပူးပေါင်းရင်းမြစ်များ

Mattaayo 10:18

Jeenteteey u gaafanayyo ichoow karnato atin liigeecha, atin la garti Wori Haaggan icho ichoow yaafohi Yaꞌhuud ieheynan itateehiin.

Mattaayo 16:20

Yeesso ꞌdeerka abattitiis tootooche, uus iche saggi us Ki Lasubhe iyahe etoo kalday laka icheekine.

Mattaayo 17:9

Chirra icho hal kasookhubtaan ka, Yeesso icho amur ibahche wihi us iyidah, “Etoo kalday laka waha atin agarteen iicheekina, ichoowka Ínam Aadam omoot a lakasookahcho.”

Mattaayo 3:15

Iꞌdaasenyi Yeesso wihi us ilaabe, “Toolla iꞌda on a titaahe. A mujjum chiꞌinno iꞌda yeello, ꞌdee mali fissane Waakh buuhinno.” Yoohana ꞌdeerka wihi Yeesso iyidah ayyiche, baattissiye.

Mattaayo 5:17

“Kol an harra imiyye ꞌdee Amurre ommos wihi ꞌdooꞌdi Waákh íyeyyeedo enenyet abcho baabiicho akoogeynana. An baabiin ma imaatane, iꞌdaasenyi a imiyye wihi icho enenyet abchaan buuhicha.

Mattaayo 6:1

Yeesso toro wihi us ꞌdooꞌd iyidah, “Chirri atin ꞌdooꞌd haag iyeessaan, wahaas saggoo ꞌdee enenyet atin ikoolicho iiyeelina. Chirri atin iꞌdaas yeessaan Aabbahiinki serey jiro kalaꞌd us atin guto mele.

Mattaayo 9:30

Chirraas on indo bahcheen. Yeesso icho weyti tootooche wihi us iyidah, “Etoo kalday laka uus waha aban!”

Marko 13:9

“Atin rubeytiin laka yuubsada. Jaldaabohi Yaꞌhuude atin liidiiba, minassi weysiite Yaꞌhuud ka atin lajaha. Jeenteteey u, gaafanayyo ichoow karnatte atin liigeecha atin liicheekta, atin la garti Wori Haaggan tateehiin.

Marko 3:12

Iꞌdaasenyi amur ibahche uus icho eti us yahe cheekin.

Marko 5:43

Yeesso la weyti katirriinsate amur ibahche, uus etoo kalday laka yeeda garan. Weel wohoo us yaham a lasiicho yidah.

Marko 6:11

Meelbaaw atin liikamartiisanne ommos atin liidagansan, ebeeri luhlo atin fuulo sahda geedda atin bahtaan. Waha a garti ichó cheekatti.”

Marko 7:36

Yeesso urur amur ibahche uus icho wahaas cheekin. Iꞌdaasenyi urur geedda us amur ibahcho, geeddaas ꞌdirihiissa yeed taaꞌhiche.

Marko 8:30

Yeesso icho tootooche, uus icho eti us yahe etoo kalday laka icheekine.

Marko 9:9

Chirra icho hal kasookhubtaan ka, Yeesso icho amur ibahche, iicho wihi icho argeen ꞌdooꞌdi addan iicheekine ichoowka Ínam Aadam omoot a kasookaho.

Luuka 17:14

Inkoo us icho arge ka, wihi us iyidah, “Nyaama kuhaaniyyo iirda istusa.” Sohtaani icho dakkhamba samaateen.

Luuka 21:13

Waha ka la garti Wori Haaggan iche tateehiin.

Luuka 4:41

Ginnayyo ꞌdooꞌdi ittaawe goya kabaheen ichohi riiro, “Ati Weeli Waakhe” essi. Iꞌdaasenyi Yeesso ginnayyo leejaakhe, amuri icho kaayyeedaan la tirte. Iꞌdi tahe saggi us Ki Lasubhe iyahe a gartaan.

Luuka 5:14

Yeesso la amur ibahche wihi us iyidah, “Etoo kalday laka jit ka aleeyeedine, iꞌdaasenyi kuhaani iiro saggi at isamaatte istus. Sadakhati amurre Muusa kachiirane eti buꞌda lakabahche bahcho bihiche, ꞌdee garti saggi lakisamaache a titaahe.”

Luuka 8:56

ꞌDooꞌdi weel dele girmeeste, iꞌdaasenyi Yeesso amur ibahche, iicho wihi yitah etoo kalday laka icheekine.

Luuka 9:21

Yeesso la weyti abatti tootooche, uus iche waha etoo kalday laka icheekine.

Yoohana 5:41

“An weeli enenyet koolo ma kayowdi.

Yoohana 7:18

Eti wihi awtiissa on ꞌdooꞌd abcho, magahe isiyowta. Iꞌdaasenyi eti magahi eti sooergate koolo iꞌdoono, a eti rummaate, walah khollokkhane usu miinsan mele.

Yoohana 8:50

An koolo ma isiyowdi, iꞌdaasenyi eti anihi liikoolicho ꞌdoono a jira, ulla a eti jiti rummaat ka enenyet hukkumo.