Mattaayo 3:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Iꞌdaasenyi Yoohana maanti us rabitti Farissaayo ichoow ti Sadukaayo ittaawenye iche laka baattissiyo timiy arge ka, wihi us iyidah, “Dessi toof! Ayyo atin tootooche ꞌdee holi Waakh dowwanoha ka keeno kafiriddaan?

Mattaayo 3:7 ပူးပေါင်းရင်းမြစ်များ

Mattaayo 12:24

Iꞌdaasenyi Farissaayo chirri iche wahaas daagte ka, wihi iche tidah, “Miigti Beelsebuulhi karnati ginnayyoote kaldach on eta enenyet ginna kabahcha.”

Mattaayo 12:34

Dessi toof! Saggoh wihi haaggan itadeehiin chirri atin uskeel kajirtaan? Iꞌdi tahe wihi uuraah goya buuho iche afaah leeyamiit.

Mattaayo 15:12

Abatti ꞌdeerka itimiyye, wihi iche worsatte, “At saggi Farissaayo uus iche waha daagte ikaahollowte a garatta on a?”

Mattaayo 16:1

Farissaayotoo ichoow Sadukaayotoo Yeesso itimiy usu angey gelin ꞌdoontaa. ꞌDeerka wohoo goobi Waakh kayimiyye miigti Waakh tuso daahte.

Mattaayo 16:6

Yeesso la wihi us iyidah, “Yeedad Farissaayo ichoow yeedad Sadukaayo ki iꞌdi booddati makaate fuurissee yuubsada.”

Mattaayo 22:15

Yomboka Farissaayotoo iratte, tossatte, jiti iche Yeesso yeediis on ka angey igelisso yowatte.

Mattaayo 22:23

Maalinkaas goya ꞌdooꞌdoo Sadukaayo ꞌdooꞌdi tuume berri ma sookaho essi Yeesso iyimiy.

Mattaayo 22:34

Farissaayo la chirri iche saggi Yeesso Sadukaayo yeedi us ilaabe ka itoolliche daagte ka, iswahte, aytoo iche Yeesso worsatti kamalatte.

Mattaayo 23:33

“Atinha iꞌdi toofafe! Dessi toof! Saggoh meessi ꞌdabi armaanjireene Waakh atin igooche ikabahsattaan?

Mattaayo 5:20

A mehe wihi an atin iadeeh, sammata fissanoonkiin ki tagaammeti amurre ichoow Farissaayo ikutin rumanka dakhi goobi Waakh ma gessaan.

Marko 12:13

Farissaayotoo ichoow ꞌdooꞌd ꞌHerood koo Yeesso iergateen angeye gelin ꞌdoonta yeediis ka.

Marko 12:18

ꞌDeerka ꞌdooꞌdoo Sadukaayo Yeesso iyimiyye wohoo worsate. ꞌDooꞌda la ꞌdooꞌdi tuume berri ma sookaho iche essa.

Marko 8:15

Yeesso icho tootooche, “Yeedad Farissaayo ichoow yeedad ꞌHeroode iꞌdi booddati makaate fuurissee yuubsada!” iyidah.

Luuka 16:14

Farissaayo chiꞌiche ayta daagte ka tekkele ka Yeesso kareyatte. A mehe icho a ꞌdooꞌdi weyti chilimme ꞌdoono.

Luuka 18:11

Ki Farissaayee tolossate, awtiissa on Waakh wahte wihi us yidah, ‘Okkhoow weyti kalaꞌd kisoolaaba ani iꞌdi ꞌdooꞌdi addane hatto lehe ommos iꞌdi ꞌdooꞌdi uskeel kajiro ommos eti makhaabassi tiis ieheynan leeurꞌdo ommos laka iꞌdi eta kooddi goocho menye.

Luuka 7:30

Iꞌdaasenyi Farissaayo ichoow tagaammeti amurre jeenteti Yoohana icho ibaattissiyin u, mali Waakh icho ikhabe a ꞌdiiꞌdeen.

Yoohana 1:24

Farissaayotoo lasooergate,

Yoohana 8:44

Atin a nyaakhuti Seytaanki ooyohiine. Wihi us imoono tuumman atin laka yeeline ꞌdoontaan. Uus uumaccho ka us eti ꞌdooꞌd bakkicho on eheet. Ulla toro rum a ꞌdiiꞌda, iꞌdi tahe us injire wihi rummaat ma cheekin. Chirra us yeedi beenaat cheeko la, wahaas eti rumanka us yahe tusaan. Us a eti been lehe, toro la a ooyohi ꞌdooꞌdi been goocho.

Yoohana 9:40

Farissaayotoo intaas kijirte la wihi us essi daagte, wihi iche worsatte, “Nah laka indo laanahe?”

Hilassi Ergaano 15:5

ꞌDeerka ꞌdooꞌdoo Kiriisto rummeeste orey rabitti Farissaayo eheet la tolossate wihi us yidah, “Wihi massan, yaafohi Yaꞌhuud ieheynan a lakhandiya toro wihi lakaꞌdoono a ichohi amurre Muusa raaho.”

Hilassi Ergaano 20:31

ꞌDooꞌdi iꞌdaase yuubsada. Toollaka saggi an guꞌh seyyah tuumman bolokh ka an ebba ibeen ichoow maalim ba iwaaniche kasooꞌhela.

Hilassi Ergaano 26:5

Icho geeddi deer a igarteen. Chirri icho ꞌdoonaan, saggi an Farissaayo ieheet a cheekaan. Farissaayo la, a rabittoo Yaꞌhuude rabitohi addane Yaꞌhuud ꞌdirihiis wihi Waakh ꞌdoono mujjum raahto.

Hilassi Ergaano 5:17

Kuhaanihi weyti ween ichoow ꞌdooꞌdiiski usú raaho rabitti Sadukaayo kijiro ba jeenteti ergaanuu inaaf gele.

Rooma 1:18

Waakh goobiis on ka, saggi us ꞌdooꞌdi jiroticho ka usu ꞌdiiꞌdo toro uskeel yeelo ikahollowo a tusa. Uskeela ka la, ꞌdooꞌda runti Waakhe laabti iche ꞌdooꞌdi addan kajeycha.

Rooma 5:9

Diig Kiriisto ka, Waakh ꞌdooꞌdi fiffissane inno iekkaache gone, geeddoo meheenye Kiriisto ka holi Waakh inno lakariba?

1 'Dessaloonika 1:10

Toro la saggi atin Weeli Waakhe goobi Waakh ka soonokhti isugtaan laka a cheekaan. Us a Yeessohi Waakh omoot ka sookahche, holi Waakhe soosohti inno karibo.

Ibiraaniya 11:7

Noowa la kakhuufnaanki us Waakh kakhuufe on ka, iche maanti Waakh tootooche, wihi maalinkaas liiargin icheeke, koobanhi buure dise, goobiis ribe. Kakhuufnaanki us Waakh kakhuufe ka, ꞌdooꞌdi harrata uskeel igooche. Toro la Waakh usu eti fissanoonki kakhuufnaanki Waakh lakakhuufo lakeelo muꞌdan iekkaache.

Ibiraaniya 6:18

Waakh wihi us ayyiche ichoow wihi us daatte ma urgiyaane, been goon ma yabuuꞌd. Maantaka innohi Waakh inyaanne karibanne uure inno miigoocha, ꞌdee khajjeeli us inno siiche mujjum khabanna.

1 Yoohana 3:10

Saggane nyaakhuti Waakh ichoow nyaakhuti Seytaan seley ibihinna. Eti tuummane wihi fissan iyeelin, ki Waakh mee. Eti tuummane etiiski Kiriisto rummeeste iꞌdoonin laka ki Waakh mee.