Mattaayo 3:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Wihi us yidah, “Uskeeliin kasoonokhda, iꞌdi tahe dakhi goobi Waakh a soodowwaatee.”

Mattaayo 3:2 ပူးပေါင်းရင်းမြစ်များ

Mattaayo 10:7

Geedda atin ꞌdussaan la wora cheeka, wihi atin tadeehiin la, ‘Dakhi goobi Waakh kola a soodowwaate.’

Mattaayo 11:20

ꞌDooꞌdi ilkerengeetohi us wihi weeli enenyet yeelin iubaaꞌdan buurche kayeele uskeelicho ma kasoonokhan. ꞌDeerka Yeesso icho uskeel kacheekan sookhabte.

Mattaayo 12:41

Ibeenki Waakh ꞌdooꞌd hukkumo, ꞌdooꞌdi ili Ninaawi a tolossata ꞌdooꞌdi iꞌdee cheekta. Iꞌdi tahe icho maanti Yoona Yeedi Waakh icheeke, uskeelicho a kasoonokhteene, toro la etoo Yoona kaween kalla atin leejira.

Mattaayo 13:11

Yeesso la wihi us ilaabe, “Waakh garanti wihi dagsane dakhi goobi Waakh miinsan lagarti a atin siiche. Iꞌdaasenyi ꞌdooꞌdi addan iꞌdaas mee.

Mattaayo 13:24

Yeesso mammahtoo addan ꞌdooꞌd ibahche, wihi us iyidah, “Dakhi goobi Waakh a iꞌdi etoo gos khabo irte gosiis ꞌdargaayyeti haaggan kachibe.

Mattaayo 13:31

Yeesso toro icho mammahtoo addan icheeke, “Dakhi goobi Waakh a iꞌdi ilinti weyti rucchule, etoo khaate gosiis goyaka il gesse.

Mattaayo 13:33

Yeesso toro mammahtoo addan ibahche, “Dakhi goobi Waakh a iꞌdi booddati makaate fuurisso makhaabassoo wohoor khaatte, ingangaanoti buure kakhayte ichoowka ingangaano tuumman fuurte.”

Mattaayo 13:47

“Toro dakhi goobi Waakh a iꞌdi oroohti bahag lakakhabti bey liiseye, bahaggi fil ittaawe sookhabatti.

Mattaayo 13:52

Wihi us iyidah, “Maantaka eti tuummane tagaanki amurreenye wihi dakhi goobi Waakh miinsan laabche a iꞌdi eti minki us walah gessati ka wihi husub ichoow wihi raagan soobahcho.”

Mattaayo 18:23

“Iyookkoka dakhi goobi Waakh a iꞌdi karnati ilbooyyetiis ebba mogti us kakhabe ichehi soogutto ꞌdoono.

Mattaayo 20:1

“A mehe dakhi goobi Waakh a iꞌdi etoo gosi sabiib khabo. Maantoo baryo ka, irte ꞌdooꞌdi us kireesti gosiis hil kahaaggicho yowte.

Mattaayo 22:2

“Dakhi goobi Waakh iyookkoka, a iꞌdi karnati inankiis min disti ulla oroosi buure ibahcho.

Mattaayo 23:13

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin aritti dakhi goobi Waakhe ꞌdooꞌd kahiddaane, atin rubeytiin la goobi Waakh ma gessaane, toro la ꞌdooꞌdi gelin ꞌdoono kajeyissaan.

Mattaayo 25:1

Yeesso toro wihi us yidah, “Maanti Inam Aadam soonokhti, dakhi goobi Waakh a iꞌdi albehoo tomonenye taassicho khaatte, eti min disti or kadowo.

Mattaayo 25:14

“Toro dakhi Waakh a iꞌdi etoo sulhaal irti. Bowꞌdayyohiis wahe, kooba wihiiskoo dahan gesse.

Mattaayo 4:17

Uus maantaas Yeesso Yeedi Waakh ꞌdooꞌd icheeke, wihi us iyidah, “Uskeeliin kasoonokhda, a mehe dakhi goobi Waakh a soodowwaatee.”

Mattaayo 4:23

Yeesso boroofenhi Gaalilaaya tuumman goya tabe, minassichoki weysiite Yaꞌhuud ka Wori Haaggane dakhi Waakh miinsan cheeke, ꞌdooꞌdi khakkhannane khannaattetiis fil dakkhan tahe laka samaache.

Mattaayo 5:10

ꞌDooꞌdi Waakh imaalo, a ki jeenteti icho ifissanyahiin u sina loomhicho, dakhi goobi Waakh a kichoodaa.

Mattaayo 5:3

“ꞌDooꞌdi Waakh imaalo a ki wahanyeyyohi Waakh ka miskiine, a mehe dakhi goobi Waakh a kichooda.

Mattaayo 6:10

At ba enenyet tuumman dakhatta. Saggi goobaah ka in at ꞌdoonto liiyeeluu, harrata ka laka in at ꞌdoonto a layeelo.

Mattaayo 6:33

Iꞌdaasenyi koloo dakhi Waakh ichoow fissanoonki Waakh ꞌdonꞌdoon, ulla wahanyeyyoha dakkhan a ikaasookhayaa.

Marko 1:15

Wihi us yidah, “Il kola a yitah! Dakhi Waakh kola a soodowwaate! Uskeeliin kasoonokhda, Wora Haaggane ani atin idowo rummeesda!”

Marko 1:4

ꞌDeerka Yoohanahi Enenyet Baattissiyo hidaad yimiyye wori baattissiyo cheeke. Us enenyete baattissiye uskeelicho kasoonokhtaane, ꞌdee Waakh uskeelicho ikakuta.

Marko 6:12

Abatti bahte, Yeedi Waakh cheekte, enenyet tuumman la, “Uskeeliin kasoonokhda,” itidah.

Luuka 1:16

Ulla ꞌdooꞌdi buurenye Issiraayele anki Kamuri Waakkhichee isoolaaba.

Luuka 11:20

Iꞌdaasenyi chirri an farri Waakh ka ginnayyo bahcho, waha saggi dakhi Waakh goytiin iyimiyye tusaan.”

Luuka 13:3

Iꞌdaas mee. Iꞌdaasenyi atin laka chirri atin uskeeliin ikasoonokhan, atin tuumman laka a tuuntaan.

Luuka 13:5

Mele! Wihi an atin icheeko, atin laka chirri atin uskeeliin ikasoonokhan, atin tuumman laka a tuuntaan.”

Luuka 15:10

Wihi an atin icheeko, saggaase herti Waakh ihamaadda chirri etoo kalday uskeeliis kasoonokhte.”

Luuka 15:7

Wihi an atin iadeeh, saggaas on u, goobi Waakh ka hamaadi buurenye jira jeenteti etoo kaldaye uskeeliis kasoonokhtuu. Hamaadi eta khabo hamaadi et tomon saagaal ichoow et saagaal fiffissane uskeelicho ikasoonokhan weyti kussanyahe.

Luuka 16:30

“Eti kamure la wihi us yidah, ‘Aabba Aburaaham geeddaas kalday ma yaakhto! Iꞌdaasenyi chirri etoo omoot kasookahe icho iirte uskeelicho a kasoonokhtaan.’

Luuka 21:31

Saggaas on u maanti atin wahanyeyyoha ibeenki ꞌdaꞌddaboot tuso agarteen, saggi dakhi Waakh isoodowwaate a garattaan.

Luuka 24:47

Ilkerengeetti weene Yeerusaleeme lakasookhabta, antohiis ka wori uskeeli lakasoonokhti ichoow uskeeli Waakh enenyet ikakuto miinsan ꞌdooꞌdi harra tuumman liicheeka.

Luuka 6:20

Yeesso la abattitiis yeye, wihi us yidah, “ꞌDooꞌdi Waakh imaalo, a atinhi toolla miskiine, a mehe dakhi Waakh a kiinna.

Luuka 9:2

Ulla ergaano ili kharaat ierge, ꞌdee wori dakhi Waakh miinsan cheekta, ꞌdooꞌdi khakkhannan laka samaassa.

Hilassi Ergaano 11:18

Chirri icho waha daageen ka wihi Beetero yeele ꞌdiiꞌdin katabeene Waakh saaꞌdeen. Wihi icho yidaaheen, “Kola ꞌdeerka Waakh yaafohi Yaꞌhuud ieheynan laka uskeel a kasoolaabe, ꞌdee jiro ꞌhelaan.”

Hilassi Ergaano 17:30

Goorat ꞌhor Waakh enenyeti aytiis igaran walah us iekkaache mele, iꞌdaasenyi toolla amuri us enenyet tuumman meelbaaw us kijiro ka ibahcho, a ki icho uskeelicho kasoonokhtaan.

Hilassi Ergaano 2:38

Beetero la wihi us ilaabe, “Etiimba uskeeliis a kasoonokhti, antohi magah Yeesso Kiriisto ka a atin labaattissiyo, ꞌdee Waakh uskeeliin a atin ikakuto. Waakh la ꞌdee siinti Rubeyti Munyee a atin siicho.

Hilassi Ergaano 20:21

Wihi an ꞌdooꞌdi Yaꞌhuud ichoow ki Yaꞌhuud ieheynan icheeke a ichohi uskeel kasoonokhti ꞌdee Waakh urgiyicho toro Yeessohi Kamureene kakhuufo.

Hilassi Ergaano 26:20

Anna kolooraat ilkerengeetti Damaasko Yeedi Waakh kacheeke. Yomboka ilkerengeetti weene Yeerusaleem ichoow ili Yaꞌhuudiya tuumman ichoow ꞌdooꞌdi Waakh igaranne Yeedi Waakh icheeke. Wihi an cheeke la a saggi icho uskeelicho ikasoonokhtaane icho Waakh ikuurgiyaane, fiddihicho ka saggi icho rumanka uskeel ikasoonokhteen tusaan.

Hilassi Ergaano 3:19

Uskeeliin kasoonokhda, Waakh iurgiya, ꞌdee uskeeliin a lahiyyaayo, ꞌdee Kamur a atin imaalo,

2 Koriinto 7:10

A mehe oytinti enenyet saggi Waakh iꞌdoono iooyo wihi iche desso a uskeeli lakasoonokhti ribnaanki Waakh enenyet ribo iwoyo. Wahaas ka la et ejer istowo mele. Iꞌdaasenyi oytinti saggi ꞌdooꞌdi harrata liiooyo omoot on dessa.

Kolossaay 1:13

Iꞌdi tahe us miigti mugꞌdi a inno kasoofure, dakhi weeliiski us ꞌdoono goya inno keene.

2 Timooti 2:25

ꞌDooꞌdi usu tirrimo laka samacchaar on walah abcha, kolossoo Waakh ꞌdooꞌdaas rubeyohi uskeel kasoonokhti a siicha, runtaas rummeestaane ulla icho woya.

Ibiraaniya 6:1

Maantaka orey isohanni, kakhuufnaanki inno Kiriisto kakhuufno ka soonnaanneti ꞌdooꞌdi Kiriisto ka iiꞌd khabo miinsan, a raahno. Wihi Kiriisto miinsane inno kolooraat abanne iꞌdi maanta sohoti omoot keeno inno kasoonokhanni ichoow saggi inno Waakh ikakhuufno illehe, kakunno giꞌde.

2 Beetero 3:9

Kamur wihi us ayyiche ka ma soomalmalo iꞌdi ꞌdooꞌd gaasoo malmalli ikhaatuu. Us a atin igarrahsata a mehe usuhi etoo kalday laka iumaatane, iꞌdaasenyi enenyet tuumman uskeel kasoonokhti iche ꞌdoona.

Bakkaahit 2:21

An iche geeddi deer a ꞌdiiche ꞌdee sohoꞌddarritiche a kasoonokhatti, iꞌdaasenyi ma ꞌdoonto.

Bakkaahit 2:5

Geeddi atin sookufteen kasooꞌhela! Uskeeliin kasoonokhda, wihi atin uumaccho ka yeesseen yeela. Chaꞌatin uskeeliin ikasoonokhan, an a atin iamiite, reenkiinki taa lakorcho meessiis kabahcha.