Mattaayo 27:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Chirri Yuudahi Yeesso ꞌdub gooche saggi Yeesso liihukkumo omoot liikagooche arge ka, weyti ejer istowe. Chilimmeti goorat lahaageete tomon seyyahe sookhaate, kuhaaniyyohi wewween ichoow ewweenki Yaꞌhuud ikeene.

Mattaayo 27:3 ပူးပေါင်းရင်းမြစ်များ

Yoohana 13:2

Yeesso ichoow abattitiis ba gololi gelebeete yamhiin. Seytaan la Yuuda Iskaariyoothi inam Siimone mali suujenye us Yeesso ꞌdub kagoocho orey on rubeytiis gesse.

Yoohana 13:27

Uus Yuuda makaate khaate, Seytaan goytiis gele. Yeesso la wihi us Yuuda iyidah, “Nyaam, wihi at sooyeesso dowwa yeel!”

Yoohana 18:3

Yuuda ꞌdeerka iskartoo Rooma ichoow rabittoo minki Waakhe buure yuubisso soowoyaayi yimiyye, gos goya soogele. Kuhaaniyyohi wewween ichoow Farissaayo ꞌdooꞌdaas sooergaté. ꞌDooꞌd la bir ichoow oorassoo khoro bolkho ichoow taa laka a khabe.

Hilassi Ergaano 1:18

Yuuda kalaꞌddi us jiti khollokkhan kaꞌhele ka gosoo soogatte. Gosaas goya on ka soodihe, uur desme, mindakharo tuumman sookhubteen.

2 Koriinto 7:10

A mehe oytinti enenyet saggi Waakh iꞌdoono iooyo wihi iche desso a uskeeli lakasoonokhti ribnaanki Waakh enenyet ribo iwoyo. Wahaas ka la et ejer istowo mele. Iꞌdaasenyi oytinti saggi ꞌdooꞌdi harrata liiooyo omoot on dessa.