Mattaayo 24:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ A mehe ꞌdooꞌdi ittaawenye ani iskaayyeelo yamiite, ‘Ani a Ki Lasubhe,’ essi, a agartaane, ꞌdooꞌdi ittaawenye ekkeestaan la.

Mattaayo 24:5 ပူးပေါင်းရင်းမြစ်များ

Mattaayo 24:11

ꞌDooꞌdi ittaawenye ꞌdooꞌdi Waákh íyeyyeedo iskaayyeelo a buuraata, ꞌdooꞌdi ittaawe ekkeesta.

Mattaayo 24:24

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate laka ekkeestaan.

Yoohana 5:43

Ani anto Aabbahaaya kiimiyye atin la ma ikhaatan, iꞌdaasenyi chirri etoo addan yimiyye antohiissa on kayeyyeedo, atin etaas a khaatattaan.

Yoohana 8:24

Jeentaase uskeeliin goya katuuntaan atin ikiidah. Chirri atin eti an ahe an atin isoocheeke irummeysan, uskeeliin goya katuuntaan.”

Yoohana 8:28

ꞌDeerka wihi us iyidah, “Maanti atin Ínam Aadam massalaaba ka serey geesseen, saggi an etaas iahe, a abattaan. Toro la saggi an wohoo rucchul laka miigteey ka iyeeline, iꞌdaasenyi an wihi Aabbaheey iabche on icheeko a abattaan.

1 Yoohana 2:18

Nyaakhuteeyki an weyti ꞌdoono, waha a ibeenneti ꞌdaꞌddaboot. Saggi goorat atin idaagteen u la, eti Kiriisto igafo a yamiit. Toolla laka ꞌdooꞌdi ittaawenye Kiriisto igafo a yimiy. Iꞌda ka la saggi waha ibeenneti ꞌdaꞌddaboot iyahiin a garanna.

1 Yoohana 2:22

Kamalda bal, eti been leh a ayyee? Eti been leh a eti saggi Yeesso Ki Lasubhe iyahe ꞌdiiꞌdo. Eti iꞌdee a eti Kiriisto igafo. Us Waakkhi Aabbaheene ichoow Weeli Waakh ba a ꞌdiiꞌddanyahe.

1 Yoohana 4:3

Iꞌdaasenyi eti tuummane rubeytiis woyto waha Yeesso miinsan cheekin ꞌdiiꞌdo, Waakh ma kiimaatan. Etaas ginnati eti Kiriisto igafo katamiite khaba. Atin saggi eti Kiriisto igafo iyamiit a daagteene, ulla toolla laka harrata a kijira.

Bakkaahit 13:8

Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.