Mattaayo 2:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Inkoo us kuhaaniyyohi wewween ichoow tagaammeti amurre tuumman tol iwahe ka, inti Ki Lasubhe lakadelo worsate.

Mattaayo 2:4 ပူးပေါင်းရင်းမြစ်များ

Mattaayo 13:52

Wihi us iyidah, “Maantaka eti tuummane tagaanki amurreenye wihi dakhi goobi Waakh miinsan laabche a iꞌdi eti minki us walah gessati ka wihi husub ichoow wihi raagan soobahcho.”

Mattaayo 2:3

Karnati ꞌHerood layadeeh uus yeedaas daage, weyti mal gele, ꞌdooꞌdi ilkerengeetti weene Yeerusaleem kijiro tuumman laka mal gele.

Mattaayo 2:5

Icho la wihi icho ilaabeen, “Ilkerengeetti Beꞌdeleheeme boroofenhi Yaꞌhuudiya kijirto iche lakadela. Iꞌdi tahe waha a wihi goorat etoo Waákh íyeyyeedo chiire.

Mattaayo 21:15

Iꞌdaasenyi chirri kuhaaniyyohi wewween ichoow tagaammeti amurre girmohi us yeele argeene, toro nyaakhuti uranti minki Waakhe buure ka riiro, “Ínam Dawuud a lakoolicho,” essi daageen ka, weyti holloween.

Mattaayo 21:23

Yeesso uranti minki Waakhe buure gele, geedda us ayti Waakh enenyet abcho, kuhaaniyyohi wewween ichoow ewweenki Yaꞌhuud ba Yeesso iyimaateen. Wihi icho worsateen, “Antohi at wahanyeyyoha kahaaggisso a weheeyya? Antoha la ayyo kisiiche?”

Mattaayo 26:3

Maanassaas on kuhaaniyyohi wewween ichoow ewweenki Yaꞌhuud ba uranti kuhaanihi weyti weene magahiis Kayaafa layadeeh ka kulmeen.

Mattaayo 26:47

Yeesso yeyyeedaayi, Yuudahi ullaka abattiti tomon ichoow lammee kichekoowe yimiy. ꞌDooꞌdi sooraahe, a ururoo buurenye birlabbe ichoow khokkhoomme khabo, kuhaaniyyohi wewween ichoow ewweenki Yaꞌhuud sooergate.

Mattaayo 27:1

Baryo ka kuhaaniyyohi wewween ichoow ewweenki Yaꞌhuud tuumman Yeessohi layagiis goocheen.

Mattaayo 7:29

Yeesso iꞌdi tagaammetichoti amurre mee, us saggi etoo anto khabo iche enenyet walah iabcha.

Marko 8:31

Yeesso ꞌdeerka abattitiis wihi Waakh gooche abinnaan sookhabte. Waha la a saggi Ínam Aadam sinati buure liituso, ewweenki Yaꞌhuud ichoow kuhaaniyyohi wewween ichoow tagaammeti amurre usu iꞌdiiꞌdaane, liiyagiise, chirri maan seyyahe kutte us omoot ikasookaho.

Luuka 20:19

Tagaammeti amurre ichoow kuhaaniyyohi wewween la jiti iche Yeesso chirraas on kakhabatti yowteen. A mehe saggi us mammahtaas ka woricho ikaayyeedo iche garteen. Iꞌdaasenyi ꞌdooꞌde karooraan.

Luuka 23:10

Kuhaaniyyohi wewween ichoow tagaammeti amurre intaase toollaane, weyti riireene Yeesso cheekteen.

Yoohana 18:3

Yuuda ꞌdeerka iskartoo Rooma ichoow rabittoo minki Waakhe buure yuubisso soowoyaayi yimiyye, gos goya soogele. Kuhaaniyyohi wewween ichoow Farissaayo ꞌdooꞌdaas sooergaté. ꞌDooꞌd la bir ichoow oorassoo khoro bolkho ichoow taa laka a khabe.

Yoohana 3:10

Yeesso la wihi us ilaabe, “At a etoo ꞌdooꞌdi Issiraayel Yeedi Waakh abcho, toro la wahanyeyyoha ma abanna?

Yoohana 7:32

Farissaayo ururi woriis kanyunnyuwo daagte. ꞌDeerka kuhaaniyyohi wewween ichoow Farissaayo ba, iskartoo Yeesso khabatti ergeen.

Yoohana 8:3

Tagaammeti amurre ichoow Farissaayo ba makhaabassoo ichehi makhaabaloo kiche ieheynan leeuꞌdurto lakhabte sookhaateene, enenyet ortiis keeneen.

Hilassi Ergaano 23:9

Riirit weyti buuraate ichoowka tagaammetoo amurre Muusa Farissaayee kahte, “Eta suujoon nah kaagarro mele,” tidah. “Eemba hertoo Waakhe leeyeedde, ommos wahanyeyyohoo Waakhe jiro khabo liiargine usu leeyeedde?”

Hilassi Ergaano 4:5

Ibeenki kaas sooraaho ka makhaaballeti Yaꞌhuude wewween ichoow ewweenki Yaꞌhuud ichoow tagaammeti amurre ba ilkerengeetti weene Yeerusaleem ka tossatte.

Hilassi Ergaano 6:12

ꞌDeerka ꞌdooꞌd ichoow ewweenki Yaꞌhuud ichoow tagaammeti amurre sootukkicheen. Isiteefano khabteene, khaateene Jaldaabti Weene Yaꞌhuud igeecheen.