Mattaayo 19:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Wihi an atin icheeko, eti tuummane makhaabassiis tuum rihe makhaabassoo addan diste, chiꞌiche mejeloo addan leeuꞌdurte on menye, makhaabalaas uskeeli us makhaabassi tiis ieheynan leeurꞌdo, iche gele.”

Mattaayo 19:9 ပူးပေါင်းရင်းမြစ်များ

Mattaayo 19:10

Abatti wihi iche Yeesso itidah, “Chirri makhaabal jeenteti makhaabassiis etoo addan ileeuꞌdurto kalday on seley ibahaan, eti min idisan gon deefa.”

Mattaayo 19:8

Yeesso wihi us ilaabe, “Jeenteti matahmiigtiinna Muusa amuri atin oboorrihiin tuum karihtaan atin isiiche. Iꞌdaasenyi uumaccho ka iꞌda ma eheynan.

Mattaayo 5:32

Iꞌdaasenyi wihi an atin iadeeh, eti tuummane makhaabassiis tuum rihe chiꞌiche mejeloo addan leeuꞌdurte on menye, makhaabalaas makhaabassaas uskeeli iche mejeloo kiche ieheynan leeuꞌdurto iche kalugꞌda. Eti makhaabassi tuum larihe disti la, uskeeli us makhaabassi tiis ieheynan leeurꞌdo iche gela.

Luuka 16:18

“Eti tuummane makhaabassiis tuum rihe makhaabassoo addan diste, uskeeli us makhaabassi tiis ieheynan leeurꞌdo iche gele, toro la makhaabali makhaabassi tuum larihe diste, ullaka uskeeli us makhaabassi tiis ieheynan leeurꞌdo iche gele.

1 Koriinto 5:1

An a atin kanaha, wihi jiro a mehe ya, etoo goytiin ka sohoꞌddarriti suujenye kaassohta leessa. Sohoꞌddarritaas la a ti ꞌdooꞌdi Waakh igaran laka koloo iyeelin. Etoo laammo ooyohiissa inokhte.

1 Koriinto 7:39

Makhaabale geeddi makhaabaliche on jiro, makhaabaliche ma katabto. Iꞌdaasenyi chirri makhaabaliche buje, chiꞌiche ꞌdoonto a geeddi eti iche ꞌdoonto disti. Iꞌdaasenyi eta ki Kamur rummeeste on a eheetti.

1 Koriinto 7:4

Makhaabale sartiche ma anatti iꞌdaasenyi arankicheeda anta, makhaabal laka sartiis ma anti iꞌdaasenyi makhaabassiissa anatta.