Mattaayo 13:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Ururi Yeesso khaariche weyti buuraate, ꞌdeerka koobanhoo kore goya koorronte, enenyet la bey afiche tolossate dagansate.

Mattaayo 13:2 ပူးပေါင်းရင်းမြစ်များ

Mattaayo 15:30

Ururoo buure iyimiyye, ꞌdooꞌdi luhlo laa ichoow ki indo laa ichoow ki maꞌdayyee ichoow ki af laa ichoow ꞌdooꞌdi addane khakkhannan sookhaate Yeesso ortiis keene, ulla icho tuumman samaache.

Mattaayo 4:25

Ururreti buurenye boroofenhi Gaalilaaya ichoow Dekaabolis ichoow ilkerengeetti weene Yeerusaleem ichoow boroofenhi Yaꞌhuudiya ichoow hawti ꞌdusso Yoordan berihichee kayimiy Yeesso raahe.

Marko 4:1

Yeesso toro beyti Gaalilaaya afiche ka, Wori Haaggan enenyet abche. Jeenteti ururi weyti buure iyimiy u, Yeesso koobanhoo goya koorronte, enenyet la bey afiche khaariche, dagansate.

Luuka 5:3

Yeesso koobanhoo kore. Koobanha la eti leh a etoo Siimon layadeeh. Yeesso la leeyeede ꞌdee kooban a leetakho bey afiche iꞌdaaru a kaseehicho. Yeesso ꞌdeerka kooban goya orronte, Yeedi Waakh ꞌdooꞌd abche.