Mattaayo 11:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Yeesso la wihi us ilaabe, “Nyaama nokhda Yoohana waha atin daagtaan ichoow waha atin agartaan icheeka.

Mattaayo 11:4 ပူးပေါင်းရင်းမြစ်များ

Mattaayo 11:3

Wihi icho Yeesso sooworsateen, “At a Ki Lasubhe lasugo bal etoo addane sugna?”

Mattaayo 11:5

ꞌDooꞌdi indo laa kola indo a bahcha, ki luhlo ikhabin luhlo a bahcha. ꞌDooꞌdi buꞌdayyo sar kakhabe a lasamaacha, ki dogo laa la dogo a bahcha. ꞌDooꞌdi tuume la omoot a lakasookahcha. ꞌDooꞌdi wahanyeyyohi Waakh miinsan ka miskiine la Wori Haaggan a liicheeka.

Mattaayo 15:30

Ururoo buure iyimiyye, ꞌdooꞌdi luhlo laa ichoow ki indo laa ichoow ki maꞌdayyee ichoow ki af laa ichoow ꞌdooꞌdi addane khakkhannan sookhaate Yeesso ortiis keene, ulla icho tuumman samaache.

Mattaayo 21:14

ꞌDooꞌdi indo laa ichoow ꞌdooꞌdi luhlo laa Yeesso uranti minki Waakhe buure ka liikeene, ulla icho samaache.

Mattaayo 8:3

Yeesso dahan ooge, et ꞌdaare, wihi us iyidah, “A ꞌdoona, biꞌdir bah!” Chirraas on buꞌdati kootte et sar kasoofoofte baabaate, et samaate.

Yoohana 14:11

Chirra ani, ‘An Aabbaheey goytiissa fiddiya, ulla goytaaya fiddiya,’ atin iidah, irummeesda giꞌde. Chirri atin irummeysan, wihi ittaawenye weeli enenyet yeelin iubaaꞌdane an yeelo ka rummeesda giꞌde.

Yoohana 5:36

“Wohoo addane woreey cheeko, Yoohana laka kussan a jiraan. A mehe hili Aabbaheey dahan isoogesse an massicho an haaggicho saggi Aabbaheey isooerge, iche tusa.