Mattaayo 10:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Geedda atin ꞌdussaan la wora cheeka, wihi atin tadeehiin la, ‘Dakhi goobi Waakh kola a soodowwaate.’

Mattaayo 10:7 ပူးပေါင်းရင်းမြစ်များ

Mattaayo 10:8

ꞌDooꞌdi khakkhannan samaacha, ki tuume omoot kasookahcha, ki buꞌda sar kakhabo samaacha, ki ginnayyo dakhtaan la, ginnayyo kabahcha. An miigta iꞌdaanu atin siiche, taba waha yeela ꞌdooꞌd la walah akagutanna.

Mattaayo 11:1

Inkoo Yeesso abattiisti tomon ichoow lammee wihi iche yeesso icheeke ka, intaas katabe, ilkerengeetohi addan irte enenyet wori Waakh abche, toro la Yeedi Waakh icheeke.

Mattaayo 21:31

“Yeelataas lammache, koh wihi aabbahicho yeela iyidah yeele?” Wihi icho ilaabeen, “Ki ween.” Yeesso chirraakka wihi us iyidah, “Rume atin icheeka, ꞌdooꞌdi inno ꞌdooꞌdi uskeel leh nadeehe, iꞌdi maanta ꞌdooꞌdi kooddi goocho ichoow malaayeyyee, icho ortiin dakhi Waakh gela.

Mattaayo 21:43

“Maantaka wihi an atin icheeko, dakhi Waakh a atin lakakhaata yaafti gurnaanki Waakh ꞌdoono desso lasiicha.

Mattaayo 23:13

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin aritti dakhi goobi Waakhe ꞌdooꞌd kahiddaane, atin rubeytiin la goobi Waakh ma gessaane, toro la ꞌdooꞌdi gelin ꞌdoono kajeyissaan.

Mattaayo 3:2

Wihi us yidah, “Uskeeliin kasoonokhda, iꞌdi tahe dakhi goobi Waakh a soodowwaatee.”

Mattaayo 4:17

Uus maantaas Yeesso Yeedi Waakh ꞌdooꞌd icheeke, wihi us iyidah, “Uskeeliin kasoonokhda, a mehe dakhi goobi Waakh a soodowwaatee.”

Marko 6:12

Abatti bahte, Yeedi Waakh cheekte, enenyet tuumman la, “Uskeeliin kasoonokhda,” itidah.

Luuka 16:16

“Chiirnaanneti Amurre ichoow ti ꞌdooꞌdi Waákh íyeyyeedo tuumman ꞌdooꞌd a liicheeke ichoowka Yoohanahi Enenyet Baattissiyo yimiy. Uus maantaas, Wori Haaggane dakhi Waakh miinsan enenyet a liicheeka. Ebba la usuhi miigtiis ka dakhaas gelo marma.

Luuka 9:2

Ulla ergaano ili kharaat ierge, ꞌdee wori dakhi Waakh miinsan cheekta, ꞌdooꞌdi khakkhannan laka samaassa.

Luuka 9:6

Ergaano ꞌdeerka kolba gooboo iratte Wori Haaggan cheekte, ꞌdooꞌdi khakkhannan laka meelal tuumman ka samaasse.

Luuka 9:60

Yeesso wihi us iyidah, “ꞌDooꞌdi tuume lamaaꞌdo a hili ꞌdooꞌdi tuume. Iꞌdaasenyi at iro wori dakhi Waakh miinsan ꞌdooꞌd icheek.”

Yoohana 3:2

Ulla ibeen Yeesso iyimiyye wihi us iyidah, “Eti ween, saggi at etoo Waakh sooergate enenyet walah abcho itahe a garanna. A mehe wahanyeyyohi miigti Waakh tuso at yeesso, et addane yeelo mele, eti Waakh leejiro on menye.”

Hilassi Ergaano 10:25

Chirra Beetero min soogelo ka Korneeliyo Beetero or kasoodowe, inkaanyit ka ortiis ka jilbo il kaguꞌdde.

Hilassi Ergaano 28:31

Baawulo intaas ka roorro laan wori dakhi Waakh miinsan cheeke, toro wori Yeesso Kiriistohi Kamure miinsan ꞌdooꞌd abche, et jeyche la mele.

Hilassi Ergaano 4:2

Jeenteti ergaano ꞌdooꞌd walah iabisso iche saggi Yeesso omoot ikasookahe toro ꞌdooꞌdi tuume omoot a kasookaha icheektuu icho weyti holloween.