Mattaayo 10:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Siimonhi magahiis Yaaftiisꞌdoone layadeeh ichoow Yuuda Iskaariyoot, ki yomboka Yeessó ꞌdub gooche.

Mattaayo 10:4 ပူးပေါင်းရင်းမြစ်များ

Mattaayo 26:14

Yomboka abatti Yeessoti tomon ichoow lammee kichekoo, ki Yuuda Iskaariyoot layadeeh, kuhaaniyyohi wewween iirte,

Mattaayo 26:15

wihi us worsate, “Chirri an Yeesso dahantiin soogesse, mehe isiissaan?” Iche la chilimmeti lahaageete tomon seyyahe iekkaasse.

Mattaayo 26:2

“Saggi atin igarattaan u, ibeen lamma on ankhane ꞌdee daawti Baasakka lagela, Ínam Aadam la ladiiba massalaaba lakakaaha.”

Mattaayo 26:47

Yeesso yeyyeedaayi, Yuudahi ullaka abattiti tomon ichoow lammee kichekoowe yimiy. ꞌDooꞌdi sooraahe, a ururoo buurenye birlabbe ichoow khokkhoomme khabo, kuhaaniyyohi wewween ichoow ewweenki Yaꞌhuud sooergate.

Mattaayo 27:3

Chirri Yuudahi Yeesso ꞌdub gooche saggi Yeesso liihukkumo omoot liikagooche arge ka, weyti ejer istowe. Chilimmeti goorat lahaageete tomon seyyahe sookhaate, kuhaaniyyohi wewween ichoow ewweenki Yaꞌhuud ikeene.

Marko 14:10

ꞌDeerka Yuuda Iskaariyoothi ullaka abatti Yeessoti tomon ichoow lammee kichekoowe, kuhaaniyyohi wewween iirte, Yeessó ꞌdub goocha dahanohicho gessaa.

Marko 14:43

Yeesso yeyyeedaayi, Yuudahi ullaka abattiti tomon ichoow lammee kichekoowe yimiy. ꞌDooꞌdi sooraahe a ururoo birlabbe ichoow khokkhoomme khabo, kuhaaniyyohi wewween ichoow tagaammeti amurre ichoow ewweenki Yaꞌhuud sooergate.

Luuka 22:3

Seytaan la Yuudahi Iskaariyoot layadeehe abatti Yeessoti tomon ichoow lammee kichekoowe gele.

Luuka 22:47

Yeesso yeyyeedaayi, ururoo yimiy. Eti Yuuda layadeehe abattiti tomon ichoow lammee kichekoowe iche soowoya. Ulla Yeesso iyimiy a dongataa.

Yoohana 13:2

Yeesso ichoow abattitiis ba gololi gelebeete yamhiin. Seytaan la Yuuda Iskaariyoothi inam Siimone mali suujenye us Yeesso ꞌdub kagoocho orey on rubeytiis gesse.

Yoohana 6:64

Iꞌdaasenyi gaasiinkoo uliba ma irummeesti.” A mehe Yeesso uus uumaccho ka ꞌdooꞌdi usu irummeysan ichoow eti ꞌdub soogoocho a garta.

Yoohana 6:71

Eti us woriis kaayyeedo la a Yuuda Iskaariyoot. Yuuda la a ínam Siimon Iskaariyoot. Iꞌdi tahe Yuuda, chirri us abatti Yeessoti tomon ichoow lammee goya kajiro laka, usu berri Yeesso ꞌdub goocha.

Hilassi Ergaano 1:13

Chiꞌicho sooeleeleen ka, inti minki saraate iche maanassaas fiddiito ikorte. Ichehi intaas fiddiito a Beetero ichoow Yoohana ichoow Yaakoobo ichoow Andereeya ichoow Fiilif ichoow Toomas ichoow Barꞌdolomaayo ichoow Mattaayo ichoow inam Alfaayoki Yaakoobo layadeeh ichoow Siimonhi Yaaftiisꞌdoone layadeeh ichoow inam Yaakooboki Yuuda layadeeh.

Hilassi Ergaano 1:25

ꞌdee hila Waakhe ergaano gelo nah tus. Waha la a meessi Yuuda kabahe, ulla inti imasse irtee.”