Mattaayo 10:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Yeesso abattitiisti tomon ichoow lammee isiwahe, antohi icho ginnayyo enenyet goya kabahchaan ichoow ti icho sugeerre ichoow khannaatteti fil ittaawe tuumman kasamaachaan siiche.

Mattaayo 10:1 ပူးပေါင်းရင်းမြစ်များ

Mattaayo 19:28

Yeesso la wihi us icho iyidah, “Rume atin icheeka, maanti Waakh walah tuumman husubnaacho, Ínam Aadam kombortiisti antoote ababto koorronti, atinhi isooraahteen laka komborohi antoote tomon ichoow lammeenye koorrommattaane, yaafoheenki Issiraayele tomon ichoow lammee anattaan.

Mattaayo 26:20

Chirri il gelebnowe ka, Yeesso ichoow abattitiisti tomon ichoow lammee komborti ballaaddane lakagolossati ka dikkille kajiifaan.

Mattaayo 26:47

Yeesso yeyyeedaayi, Yuudahi ullaka abattiti tomon ichoow lammee kichekoowe yimiy. ꞌDooꞌdi sooraahe, a ururoo buurenye birlabbe ichoow khokkhoomme khabo, kuhaaniyyohi wewween ichoow ewweenki Yaꞌhuud sooergate.

Mattaayo 4:23

Yeesso boroofenhi Gaalilaaya tuumman goya tabe, minassichoki weysiite Yaꞌhuud ka Wori Haaggane dakhi Waakh miinsan cheeke, ꞌdooꞌdi khakkhannane khannaattetiis fil dakkhan tahe laka samaache.

Mattaayo 6:13

Kajmeti uskeel nah kaluguꞌddo nah kajeyiche, iꞌdaasenyi Seytaanki uskeel leh nah karib!’

Mattaayo 9:35

Yeesso ilkerengeeto ichoow goobab tuumman goya tabe minassichoki weysiite Yaꞌhuud ka ꞌdooꞌd wori Waakh abche. Wori Haaggane dakhi Waakh miinsan icheeke, sugeerre ichoow khannaatte tuumman ꞌdooꞌd kabahche.

Mattaayo 9:38

Maantaka Kamuri gurnaan leh daaha, ꞌdee ꞌdooꞌdi ittaawenye gurnaan soogoocho a sooergo.”

Luuka 10:19

An antohi atin toofaf ichoow arraaro kayabattaan a atin siiche, toro la miigti atin miigti chiiytan kasoorissaan a atin siiche. Walah atin gaameero mele.

Luuka 21:15

A mehe an yeedi atin tadeehiin ichoow khara a atin siicha, ꞌdee chiiytiin tuumman goyaka koo atin tirrimin yabuuꞌd mele ommos et runti atin cheekteen ꞌdiiꞌdo mele.

Luuka 24:49

Ani wihi goorat Aabbaheey atin iayyiche a atin isooerga. Iꞌdaasenyi koloo ilkerengeet goya akabahina ichoowka miigti serey katamiit a atin ogoogto.”

Luuka 6:13

Chirri il soobaryo ka abattitiis isiwahe, goyche ka et tomon ichoow lamma soobahche, ergaanotiis kayeesse.

Yoohana 17:2

Iꞌdi tahe at usu antohi us ꞌdooꞌdi harra tuumman kaanti a isiisse. Ulla ꞌdee ꞌdooꞌdi at kiis kayeesse tuumman, jiroti jirtuu imassan siicha.

Yoohana 3:27

Yoohana waha ka wihi us ilaabe, “Wihi Waakh soomure on menye, walah eti iꞌdee kayateeh mele.

Yoohana 3:35

Aabbaheen weeliis a ꞌdoona, walah tuumman la dahantiissa gesse.

Yoohana 6:70

Yeesso ꞌdeerka wihi us ilaabe, “Ani menya atinha tomon ichoow lammee atin soobahsade? Iꞌdaasenyi goytiin ka, etoo a ki Seytaan!”

Hilassi Ergaano 1:8

Iꞌdaasenyi maanti Rubeyti Munyee atin isooyagte, miig a ꞌhessaane, atin la weheeyki atin garattaan cheektaan. Ilkerengeetti weene Yeerusaleem ka ichoow boroofenneti Yaꞌhuudiya ichoow ti Saamariya ka ichoow harra tuumman ka cheektaan.”

Hilassi Ergaano 19:15

Maantooka ginna wihi iche icho ilaabte, “An Yeesso a garda, Baawulo laka wihiis a garda, iꞌdaasenyi atin a ayyo?”

Bakkaahit 12:1

Girmohoo buure sereyta daayan kasoobaheen. Makhaabassoo orrahe kaankubantahe soobahte. Iche la yeyyahe katolossa, ꞌduubi bakkaal tomon ichoow lamma khabo la matah kakhabta.