Marko 7:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Yeesso toro mehe iyidah ya, “Atin jita ekkeysi atin amurreti Waakh ꞌdol ilaabtaane ꞌdee hugummetiin raahtaan ka enenna a tagaammee.

Marko 7:9 ပူးပေါင်းရင်းမြစ်များ

Marko 7:13

Iꞌdaas ka antohi Yeedi Waakh a ꞌdiiꞌddaane, hugunkiin enenyet abissaan. Atin wahanyeyyohi iꞌdaasenye ittaawenye yeessaan.”

Marko 7:3

A mehe Farissaayo ichoow yaafohi Yaꞌhuud tuumman, hugumme aacchinyetichooda raahaane, ma golossataan geeddi icho koloo dahano idikhan.

Marko 7:5

ꞌDeerka Farissaayotaas ichoow tagaammetaas amurre wihi icho Yeesso worsateen, “Abattitaah a iꞌdoh hugumme aacchinyeteen iraahine, dahanohi biꞌdire ikagolossatta?”

Rooma 3:31

Maantaka chiꞌinno kakhuufnaanki Waakh lakakhuufo on khumummaanno, amurre Muusa ꞌdol nassil? Mele, iꞌdaas mee! Rumanka chiꞌinno Waakh kakhuufno kaldache amurretaas laka miigoonna.

2 Koriinto 11:4

A mehe chiꞌ etoo yamiite Yeessohoo addan cheeko, ommos chaꞌatin rubeytoo addane Rubeyti Munyeenye atin ꞌhesseen kayeere ꞌhessaane, ommos woroo Wori Haaggane atin khaatatteen kayeere khaatattaan, atin iꞌdaanu wahaas khaatattaan.

Galaatiya 1:14

An weyti hugumme aacchinyeteenyo isibahche, boorreeyki Yaꞌhuud ka, an rumanka oreye raahe.

Galaatiya 2:21

An haaggi Waakhe buurenye an ribnaan kaꞌhele sag an ꞌdol iassil mele. Iꞌdi tahe chirri amurre Muusati laraaho ka Waakh ꞌdooꞌdi ortiis ka fiffissan nah iekkaacho, Kiriisto walah us iyumuy mele gon!”

2 'Dessaloonika 2:4

Eta wihi tuummane Waakh layadeeh ommos wihi lawahti tuummane tirrima toro la ꞌdirihicho isweynaacha, ꞌdee minki Waakhe buure goya orronta, nane Waakh iskayeela.