Marko 5:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Deeddi us yabuuꞌd dakkhan riire, “Yeesso, weeli Waakkhi weynaan tuumman tiis tahe, at mehe ikaꞌdoonta? Magahi Waakh ka daato, bolokh iitusin!”

Marko 5:7 ပူးပေါင်းရင်းမြစ်များ

Mattaayo 16:16

Siimonhi Beetero layadeeh wihi us ilaabe, “At a Ki Lasubhe, a Weeli Waakkhi jirtuu tuumman jiro.”

Mattaayo 26:63

Iꞌdaasenyi Yeesso gammadiche. Kuhaanihi weyti ween la wihi us iyidah, “Magahi Waakkhi jiro ka daato, usu at Ki Lasubhe toro Weeli Waakh tahe, nah isoocheek”

Mattaayo 4:3

Seytaanki ꞌDookkaje layadeeh la iyimiyye, iiyeyye, “Chirri at Weeli Waakh tahe, dagahta leeyeede makaate a titaahe.”

Mattaayo 8:29

Chirraas on riireene, “Weeli Waakh, at mehe nah kaꞌdoonta? Geeddi ibeenki Waakh nah ichiire iitaahan on tamiite bolokh nah tussa?” yidaaheen.

Marko 1:24

“Wooy! Yeessohi Naasaret, ati mehe nah kaꞌdoonta?” yidah. “Nahe nah massin timiy? Ani alah eti at tahe a garda, at a Ki Munyeenye Waakh kayimiy!”

Marko 14:61

Iꞌdaasenyi Yeesso gammadiche, walah us soolaabe mele. Kuhaanihi weyti ween toro wihi us worsate, “At a Ki Lasubhe, a Weeli Waakkhi Lakoolicho?”

Marko 3:11

ꞌDooꞌdi ginnayyo dakhtaan chirbaaw ginnayyohaas Yeesso argeen, inkaanyit ka ortiis ka il a guꞌddaane riiraane, “Ati Weeli Waakhe!” yadeehiin.

Marko 5:6

Chirri us Yeesso foga kaarge ka, soonyaame, ortiis ka jilbo il kaguꞌdde wahte.

Marko 5:8

A mehe Yeesso chirraas mehe idowa ya, “Ginnata, eta goya kabah!”

Luuka 1:32

Ulla eti weene yateehe, toro la Weeli Waakkhi Weyti Ween iche layadeeh. Kamuri Waakhe komborti antoote too aacchihiiski Dawuud layadeehe siicha.

Luuka 4:34

“Wooy! Yeessohi Naasaret, nah katab!” yidah. “Nahe nah massin timiy? Ani alah eti at tahe a garda, at a Ki Munyeenye Waakh kayimiy,” yidah.

Luuka 6:35

Iꞌdaasenyi taba chiiytiin ꞌdoona, haag iyeela, mog siicha ichohi atin isooguto asugina. ꞌDeerka kalaꞌddiin la a buuraatta, toro nyaakhuti Waakkhi Weyti Weene tateehiin. A mehe us ꞌdooꞌdi kalaꞌd ikhabin ichoow ki sussuuje uur a iꞌdabakhyahe.

Luuka 8:28

Eta uus Yeesso arge ka uuwwiche, Yeesso ortiis ka il iskaguꞌdde, weyti riire wihi us yidah, “Yeesso, weeli Waakkhi weynaan tuumman tiis tahe, at mehe ikaꞌdoonta? A kihawwaasde, bolokh iitusin!”

Yoohana 20:31

Iꞌdaasenyi waha a lachiire, ꞌdee saggi Yeesso rumanka Ki Lasubhe iyahe, us Weeli Waakh iyahe, rummeysattaan. Kakhuufnaanki atin usu kakhuuftaan ka la jiroti jirtuu imassanne khabtaan.

Hilassi Ergaano 16:17

Riirtaayi nah ichoow Baawulo nah sooraahte, riirte, “ꞌDooꞌda a falfayyohi Waakkhi weyti ween! Saggi atin liiribo, iche atin icheekaan,” elatte.

Hilassi Ergaano 19:13

ꞌDooꞌdoo Yaꞌhuud a sossohta ꞌdooꞌdi ginnayyo dakhtaan ginnayyo kabahchaane, magah Yeessohi Kamurenye lawaho ka ginnayyo bihin leheet. Wihi icho ginnayyo iyadeehiin, “Antohi magah Yeessohi Baawulo woriis cheeko ka amure kibahcha, soobah.”

Hilassi Ergaano 8:36

Jit ka ꞌdulaani bicchehoo ꞌheleene eti sangꞌee la wihi us yidah, “Yey, bicche kallaayo! A iꞌdoh ani liibaattissiyin?”

Rooma 16:20

Waakkhi nebey tuumman leh Seytaan a baabiicha, ulla luhlohiin ilicho ka yabta. Yeesso Kiriistohi Kamureene ba atin imaala.

Ibiraaniya 2:14

Nyaakhutaas iꞌdaas us yadeeh u, a weeli enenyete sar ichoow diig khabo gone, Yeesso laka uummanki weeli enenyete inno leegisme. Iꞌdaas ka omoottiis ka Seytaanki enenyet omoot ikeeno miigtiis tuumman bar a tire,

Ibiraaniya 7:1

Eta Melkisedeek layadeeh, karnati ili Saleeme eheneete, toro la kuhaanihi Waakkhi Weyti Weene eheneet. Chirri Aburaaham ꞌdooꞌdiis khabaayi karnatohi ittaawe kaꞌhigtoote sooriche soonokhte ka, Melkisedeek or kadowe, iweeste.

Yaakoobo 2:19

Saggi Waakkhoo kalday on ijiro a rummeysatta? A haaggantahe! Ginnayyo laka saggi Waakkhoo kalday on ijiro a rummeestaane, roorro ka harmaan.

2 Beetero 2:4

A mehe Waakh herti Waakhe goorat uskeel yeesse sina a omhiche, ankhari af laa goya kalugꞌde kaahhide. Intaase fiddiyaane ichoowka ibeenki Waakh enenyet hukkumo yateeh.

1 Yoohana 3:8

Eti tuummane uskeel yeelo a ki Seytaan, a mehe Seytaan uus uumaccho ka us uskeel on yeela. Weeli Waakh a yimiyye ꞌdee hili Seytaan baabiicha.

Yuuda 1:6

Wihi addane an atin kasooꞌhelcho, a herti Waakhe goorat antohi Waakh siiche ka hili lasiiche ibuuhinne, iꞌdaasenyi meessiche katabte. Waakh icho biingoyyohi armaanjireene mugꞌdi goyaka kahide, ichoowka Ibeenki weene Waakh ꞌdooꞌd hukkumo yateeh.

Bakkaahit 12:12

Maantaka, goobassi Waakh ichoow atinhi kajirtaan ba, weyti hamaada! Iꞌdaasenyi atinhi harra ommos bey goya taalliin, sinati atin sugto eenna a buure! Iꞌdi tahe Seytaan a atin isookhubte. Ulla holi buurenye khaba, a mehe us saggi ibeennetiis igaabatte a garta.”