Marko 5:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ Ulla wihi us iyidah, “Inantaay, kakhuufnaanki at ikakhuufte a kisamaache gone, tab giꞌde nebey leeiro, sinati sugeer kikeene a lakasamaachee.”

Marko 5:34 ပူးပေါင်းရင်းမြစ်များ

Mattaayo 9:2

ꞌDooꞌdoo etoo khannane sar tuumman hanjaawte ilaal kasoosiꞌde, ikeene. Chirri Yeesso saggi ꞌdooꞌdaas usu ikakhuufo arge ka, wihi us etaas sare hanjaawte iyidah, “Inankaaw, aburꞌdowin! Uskeelaah a liikaakutee!”

Mattaayo 9:22

Yeesso la urgiye makhaabál arge, wihi us iyidah, “Inantaay, aburꞌdowin! Kakhuufnaanki at ikakhuufte a kisamaache.” Makhaabale chirraas on samaatte.

Marko 10:52

“Nyaam giꞌde kakhuufnaanki at ikakhuufte a kisamaachee,” Yeesso iyidah. Chirraas on indo bahche, jit kadihe Yeesso raahe.

Marko 3:10

A mehe enenyeti buurenye samaache, ꞌdeerka ꞌdooꞌdi khakkhannan tuumman a issootakha, Yeesso ꞌdaarin ꞌdoonaa.

Marko 5:29

Chirraas on diiggi ꞌdulo tolossate, sartiche ka saggi sinatiche liikabukkhiche agarte.

Marko 5:33

Makhaabale ꞌdeerka wihi kayitah agarte, ichehi roorro ka hamarto timiyye, ortiis ka il guꞌdubte, rum tuumman icheekte.

Luuka 17:19

Yeesso la wihi us etaas iyidah, “Kah iro, kakhuufnaanki at ikakhuufte a kiribee.”

Luuka 18:42

Yeesso la wihi us iyidah, “Indo bihi. Kakhuufnaanki at ikakhuufte a kisamaachee.”

Luuka 7:50

Yeesso wihi us makhaabál iyidah, “Kakhuufnaanki at ikakhuufte a kiribe, tab nebey leeiro!”

Luuka 8:48

Yeesso la wihi us iyidah, “Inantaay, kakhuufnaanki at ikakhuufte a kisamaache gone, tab giꞌde nebey leeiro.”

Hilassi Ergaano 14:9

Geedda Baawulo yeyyeedo dagansate. Baawulo indo katoolliche, saggi us Waakkhi usu samaacho ikakhuufo arge,

Hilassi Ergaano 15:33

Inkoo icho geeddoo intaas fiddiyeen ka, ꞌdooꞌdi Kiriisto rummeeste icho nebey ꞌdiiche ꞌdooꞌdi goorat sooergate inokhteen.

Hilassi Ergaano 16:36

Eti jeela iween la wihi us Baawulo iyidah, “ꞌDooꞌdi ꞌdooꞌd hukkumo farniin a sooꞌdiiche, ‘Baawulo ichoow Siila a lafuro,’ yidaaheen. Toolla kaha, nebey leeirda.”

Yaakoobo 2:16

Chirri etiinko etaas, “Nyaam nebey leeiro, roffo iskajeyiche toro mujjum golosso,” idowo iꞌdaasenyi wihi us ꞌdoono ka igargaarin, haaggoh ibahta?