Marko 13:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ ꞌDooꞌdi ittaawenye ani iskaayyeelo yamiite, ‘An a Ki Lasubhe’ essi, a agartaane, ꞌdooꞌdi ittaawenye ekkeestaan la.

Marko 13:6 ပူးပေါင်းရင်းမြစ်များ

Mattaayo 24:11

ꞌDooꞌdi ittaawenye ꞌdooꞌdi Waákh íyeyyeedo iskaayyeelo a buuraata, ꞌdooꞌdi ittaawe ekkeesta.

Mattaayo 24:5

A mehe ꞌdooꞌdi ittaawenye ani iskaayyeelo yamiite, ‘Ani a Ki Lasubhe,’ essi, a agartaane, ꞌdooꞌdi ittaawenye ekkeestaan la.

Marko 13:22

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate ekkeestaan.

Marko 13:5

Yeesso la wihi us iyidah, “Yuubsada, uus etoo kalday laka atin ekkeysan!

Marko 13:7

Maanti atin yaafohi isdiho ichoow worassi ibuuhine dihoyyoot daagteen, anahina. Wahanyeyyoha a sooyateehiine, iꞌdaasenyi ibeenki yomboot uliba a ankhanyahe on.

Yoohana 5:43

Ani anto Aabbahaaya kiimiyye atin la ma ikhaatan, iꞌdaasenyi chirri etoo addan yimiyye antohiissa on kayeyyeedo, atin etaas a khaatattaan.

Yoohana 8:24

Jeentaase uskeeliin goya katuuntaan atin ikiidah. Chirri atin eti an ahe an atin isoocheeke irummeysan, uskeeliin goya katuuntaan.”

Yoohana 8:28

ꞌDeerka wihi us iyidah, “Maanti atin Ínam Aadam massalaaba ka serey geesseen, saggi an etaas iahe, a abattaan. Toro la saggi an wohoo rucchul laka miigteey ka iyeeline, iꞌdaasenyi an wihi Aabbaheey iabche on icheeko a abattaan.

1 Yoohana 4:1

Aalasseeyki an weyti ꞌdoono, eti tuummane rubeytoo woyto mee rummeysattaan. Iꞌdaasenyi taba ꞌdooꞌdaas rubeyohoo woyaan fiiricha, ꞌdee wihi icho atin abchaan icho Rubeyti Waakh kayimiy fiiricha. Iꞌdi tahe ꞌdooꞌdi ittaawenye ꞌdooꞌdi Waákh íyeyyeedo iskaayyeelo harrata a itabe.