Marko 1:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ Yeesso la ꞌdooꞌdi ittaawenye sugeerreti yeerare khabo samaache. ꞌDooꞌdi ittaawenye ginnayyo dakhtaan laka, ginnayyo kabahche. Iꞌdaasenyi ginnayyo amuri icho kasooyeedaan tirte, a mehe eti usu yahe a garteenee.

Marko 1:34 ပူးပေါင်းရင်းမြစ်များ

Mattaayo 4:23

Yeesso boroofenhi Gaalilaaya tuumman goya tabe, minassichoki weysiite Yaꞌhuud ka Wori Haaggane dakhi Waakh miinsan cheeke, ꞌdooꞌdi khakkhannane khannaattetiis fil dakkhan tahe laka samaache.

Mattaayo 4:24

Woriis boroofenhi Siiriya tuumman kataaꞌhe, ꞌdooꞌd la ꞌdooꞌdi tuummane khakkhannane sugeerreti yeerare khabo ichoow ki bolokkhi uskul khabo ichoow ki ginnayyo dakhtaan ichoow ki sungaal khabo ichoow ki maꞌdee ikeene, ulla icho tuumman samaache.

Marko 1:25

Yeesso ginna leejaakhe, “Gammadiche, etaas goya kasoobah!” iyidah.

Marko 3:12

Iꞌdaasenyi amur ibahche uus icho eti us yahe cheekin.

Luuka 4:41

Ginnayyo ꞌdooꞌdi ittaawe goya kabaheen ichohi riiro, “Ati Weeli Waakhe” essi. Iꞌdaasenyi Yeesso ginnayyo leejaakhe, amuri icho kaayyeedaan la tirte. Iꞌdi tahe saggi us Ki Lasubhe iyahe a gartaan.