Marko 1:20 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁰ Chirraas on lammache wahe, iche la aabbahiche ichoow ꞌdooꞌdi lakireeste kooban goya katabte Yeesso raahte.

Marko 1:20 ပူးပေါင်းရင်းမြစ်များ

Mattaayo 10:37

“Eti tuummane ooyohiis ichoow abartiis ꞌdiriheey ꞌdoono, abattiteey ma imaline, toro la eti tuummane yeeletiis ommos albehiis ꞌdiriheey ꞌdoono, abattiteey ma imalin.

Marko 1:19

Yeesso iꞌdaaru marah on orey isohte, Yaakoobohi inam Sebedaayee ichoow walaaliiski Yoohana layadeeh ichehi kooban goya fiddiito, oroohti bahag lakakhabti haagsatti arge.

Marko 1:21

Yeesso ichoow abattitiis ilkerengeetti Kafarnaaꞌhum irteen. Saahka Seeri Lanaso ka, Yeesso minki weysiite Yaꞌhuud gele, enenyet wori Waakh abin sookhabte.

Marko 10:29

Yeesso wihi us ilaabe, “Rume atin icheeka, eti jeenteteey u ichoow jeenteti Wori Haaggan u goobiis ommos walaalinyetiis ichoow albehi leedesse kasootabe, aabbahiissa, abartiissa, nyaakhut, ommos gosiis kasootabe,

Luuka 14:26

“Chirri etoo isooraaho ulla toro aabbahiis ichoow abartiis ichoow makhaabassiis ichoow nyaakhutiis ichoow walaalinyetiis ichoow albehi leedesse iꞌdiiꞌdine, jirotiis laka iꞌdiiꞌdin, etaas abattiteey itaahan ma yabuuꞌd.

Luuka 5:11

ꞌDeerka koobanohicho jiiteene bey afiche geesse, walah tuumman katabte, Yeesso raahte.

2 Koriinto 5:16

ꞌDeerka uus toolla kakhabatti iꞌdi ꞌdooꞌdi harratuu, enenyet saggi inno iagarro ma ikhaanno. Chiꞌinno goorat Kiriisto iꞌdoo us weeli enenyet yahuu iꞌdaas yeelle laka, kola iꞌdaas ma yeello.