Luuka 9:47 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁷ Yeesso la malicho a garta gone, weeloo rucchul khaate garabiis toolliche.

Luuka 9:47 ပူးပေါင်းရင်းမြစ်များ

Mattaayo 12:15

Yeesso saggi Farissaayo ogoos iyowatti garta, intaas katabe. Ururoo buure la raahe, Yeesso la ꞌdooꞌdichoki khakkhannan tuumman samaache.

Mattaayo 9:4

Yeesso malassicho garte, wihi us worsate, “Mehede mala suuje uurassiin ka idowattaan?

Luuka 5:22

Yeesso la wihi icho kamassaan garte, wihi us worsate, “Mehede malassi iꞌdaase uurassiin ka idowattaan?

Yoohana 16:30

Toolla saggi at walah tuumman igaratti a agarra. At mali weeli enenyet geeddi us walah isooidaahan laka a garatta. Jeentetaas u, saggi at Waakh ikatimiy a rummeysanna.”

Yoohana 2:25

Walah etoo miinsane usu liicheeko mele, iꞌdi tahe usu rubeytiis uuri weeli enenyet a garta.

Yoohana 21:17

Koli seyyahnaatteet Yeesso toro inokhte, wihi us iyidah, “Siimon, ínam Yoohana, at rumanka a iꞌdoonta?” Beetero jeenteti Yeesso kol seyyah, “At a iꞌdoonta?” iworsatuu, fool ribowe, wihi us iyidah, “Kamur, at walah dakkhan a garatta. Saggi an kiꞌdoono la a garatta!” Yeesso wihi us iyidah “Tab giꞌde, ꞌdooꞌdeeyki iꞌdi iiyteeye goolli.”

1 Koriinto 14:20

ꞌDooꞌd Kiriistokaaw, saggi nyaakhut iimalanna. Iꞌdaasenyi anki uskeeli layeelo ka, iꞌdi nyaakhuti rurrucchul ateeha, mali atin malattaan ka la, ꞌdooꞌdi wewweynaate ateeha.

Ibiraaniya 4:13

Wohoo rucchule lasoouume Waakh lakadagcho ma jiraan, Waakh ortiis ka walah tuumman a nyiikhsanyahiin one, iꞌdaanu arga. Waha a Waakkhi berri wihi inno yeelle tuumman inno worsati.

Bakkaahit 2:23

ꞌDooꞌdi iche raaho a bakkicha, ꞌdee urur Kiriisto tuumman saggi an uur ichoow mali weeli enenyet ifiiricho rumanka abta. Ebba wihi us yeelo ichoow wihi an guto a israahaan.