Luuka 9:43 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴³ Icho tuumman la miigti Waakh kagirmeesteen. ꞌDooꞌd tuumman wihi Yeesso yeele kagirmeestaayi, Yeesso wihi us abattitiis iyidah,

Luuka 9:43 ပူးပေါင်းရင်းမြစ်များ

Mattaayo 17:22

Chiꞌ abatti tuumman boroofenhi Gaalilaaya ka isitimiy ka, wihi us iyidah, “Ínam Aadam dowwanoha ka ꞌdube lagoocha, dahanohi enenyet lagessa,

Marko 6:51

ꞌDeerka kooban kaleedihe, hafar tolossate. Abatti tuumman weyti girmeysatte,

Luuka 18:43

Et chirraas on indo ꞌhele, Yeesso raahe usuhi Waakh saaꞌdo. Chirri enenyet tuumman waha arge ka, icho laka Waakh saaꞌdeen.

Luuka 4:36

ꞌDooꞌd tuumman girmeeste wihi us isiyidah, “Ayta weyti a girma. A yeedi anto ichoow miig khabo, a mehe ginnayyo amur on ibahcha, icho la soobahaan.”

Luuka 5:26

ꞌDooꞌd tuumman girmeeste, Waakh saaꞌde. Icho tuumman roorro gesse, wihi icho yidaaheen, “Maalinka girmo a agarre!”

Luuka 5:9

A mehe Siimon ichoow wahalhiis tuumman ba bahaggi ittaawenye icho khabteen ka weyti girmeesteen.

Luuka 8:25

Yeesso la wihi us abattitiis worsate, “Atin uliba ma ikakhuuftaan a?” Abatti roorro gesse toro girmeysatte, wihi iche isworsatte, “Eta a ayyo? Hafar ichoow bicche laka amur on ibahcha, icho la yeediis daagaan.”

Luuka 9:42

Inam soosohtaayi ginna toro il kaguꞌdubte weyti kaharmisse. Iꞌdaasenyi Yeesso ginna leejaakhe, inam samaache, ooyohi dele dahan gesse.

2 Beetero 1:16

A mehe maanti nah miig Yeesso Kiriistohi Kamureene ichoow saggi us isoonokhti nah atin icheekne, wahaas hawweesseti beenaate nah kharateenyo ka soouunne nah raahne menye, nah indoheenyo ka weynaantiis a agarre.