Luuka 9:41 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴¹ Yeesso wihi us ilaabe, “ꞌDooꞌdi weyꞌdane uskeel lehe Waakh ikakhuufin! Geeddoh atin leefiddiyo? Geeddoh atin igarrahsadi? Inankaah inta keen!”

Luuka 9:41 ပူးပေါင်းရင်းမြစ်များ

Mattaayo 11:28

Kaaleya ani iamiita, atinhi tuummane geeddi atin huleesi nool siꞌddaan on kuranteen. An a atin naschaa.

Mattaayo 12:39

Yeesso wihi us ilaabe, “ꞌDooꞌdi iꞌdeenye uskeel lehe waakkhassi addan wahti on wohoo miigti Waakh tuso daaha. Iꞌdaasenyi wihi goorat Waakh eti Waákh íyeyyeedo Yoona layadeeh ka enenyet tuse on menye, walah addane lasiicho mele.

Mattaayo 12:45

Ginnataas ꞌdeerka iratta, ginna teeba addane iche laka kasuuje sookhaatatta etaas goya gelaane, fur yeessaan. Etaas la jirotiis, ti goorat oraat a kaꞌdarsatta. ꞌDooꞌda iꞌdeenye uskeel leh iꞌda on itateeh.”

Mattaayo 16:4

ꞌDooꞌdi iꞌdeenye uskeel lehe waakkhassi addan wahti on wohoo miigti Waakh tuso yowta. Iꞌdaasenyi wihi goorat Waakh Yoona ka enenyet tuse on menye, walah addane lasiicho mele.” Yeesso ꞌdeerka icho katabe irte.

Mattaayo 17:17

Yeesso wihi us ilaabe, “ꞌDooꞌdi weyꞌdane uskeel lehe Waakh ikakhuufin! Geeddoh atin leefiddiyo? Geeddoh atin igarrahsadi? Ínam inta ka ikeena!”

Mattaayo 23:36

Rume atin icheeka, waha tuumman ꞌdooꞌdi iꞌdee iche lakahukkuma.

Mattaayo 3:7

Iꞌdaasenyi Yoohana maanti us rabitti Farissaayo ichoow ti Sadukaayo ittaawenye iche laka baattissiyo timiy arge ka, wihi us iyidah, “Dessi toof! Ayyo atin tootooche ꞌdee holi Waakh dowwanoha ka keeno kafiriddaan?

Marko 10:14

Chiꞌ Yeesso waha arge ka hollowe wihi us abatti iyidah, “Nyaakhuti rurrucchul ajeyinna ꞌdiicha ani a iyimaatee, a mehe dakhi Waakh a ki ꞌdooꞌdi iꞌdee.

Marko 10:49

Yeesso tolossate, “Soowaha,” yidah. ꞌDeerka eti indo laa waheene, “Hamaad! Sookah, Yeesso a kiwahaa,” iyidaaheen.

Marko 9:19

Yeesso wihi us ilaabe, “ꞌDooꞌdi weyꞌdane Waakh ikakhuufin, geeddoh atin leefiddiyo? Geeddoh atin igarrahsadi? Ínam ikeena!”

Luuka 8:25

Yeesso la wihi us abattitiis worsate, “Atin uliba ma ikakhuuftaan a?” Abatti roorro gesse toro girmeysatte, wihi iche isworsatte, “Eta a ayyo? Hafar ichoow bicche laka amur on ibahcha, icho la yeediis daagaan.”

Luuka 9:40

Abattitaah a hawwaasde, ꞌdee ginna weel kibihissa, iꞌdaasenyi a agaafatte.”

Luuka 9:42

Inam soosohtaayi ginna toro il kaguꞌdubte weyti kaharmisse. Iꞌdaasenyi Yeesso ginna leejaakhe, inam samaache, ooyohi dele dahan gesse.

Yoohana 14:9

Yeesso wihi us ilaabe, “Fiilif, geeddi deere atin tuumman atin leejire, toro ichoow uliba at ma iaban ba? Eti tuummane ani iarge, Aabbaheey a arge. A iꞌdohe toro, ‘Aabbahaah nah tus,’ ielatta?

Yoohana 20:27

ꞌDeerka wihi us Toomas iyidah, “Farraah gumaara geliche, dahanoheey la agar, dahantaah la keene, waaruheey geli. Iikamalaline saggi an omoot ikasookahe rummeyso.”

Hilassi Ergaano 13:18

Waakh geeddi guꞌh tomon affar icho hidaad ka a woywoye.

Hilassi Ergaano 2:40

Beetero toro enenyet yeedassoo addane ittaawenye iꞌdaase katootooche. Toro hawwaaste wihi us iyidah, “Taba ꞌdooꞌdi weyꞌdane uskeel leh iskariba.”

Rooma 2:4

Ommos uuri ꞌdabakhenye Waakh atin ikhabo ꞌdarraawtaan? Rumanka us a Waakkhi walah ikanyaamine toro la samacchaare. Atin saggi uuri ꞌdabakhenye Waakh atin ikhabo, atin iwoyo, ꞌdee atin uskeeliin kasoonokhattaan ma garattaan a?

Ibiraaniya 3:19

Wihi ꞌdeerka inno abanni, ꞌdooꞌda Waakh ma kakhuufin gone, ilaas icho kanasin leheet a latirte.

Ibiraaniya 4:11

Maantaka, tirriinsanni giꞌde, ꞌdee nasmetaas Waakh a nasno. A mehe eti tuummane ayti Waakh daagiwwaaye iꞌdi goorat yaafohi Issiraayel yeeleen u, ullaka nasmetaas ma naso.

Ibiraaniya 4:2

Saggi aacchinyeteen hidaad goyaka Wori Haaggane nasmeti Waakh miinsan idaagtuu, inno laka a daagne. Icho woraas a daageene, iꞌdaasenyi walah us ibahe mele. A mehe chiꞌicho daageen laka, icho Waakh ma kakhuufin.

Ibiraaniya 7:25

Maantaka usu ꞌdooꞌdi usu leeyamiite Waakh iirti tuum ribin a yabuuꞌd. Iꞌdi tahe usu kol tuummamba a jira, ꞌdee ꞌdooꞌda Waakh a ihawwaasta.