Luuka 9:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Wihi us iyidah, “Chirri atin irattaan la, wohoo rucchul laka asiꞌdanna. Wul ommos urgo ommos golol ommos chilimme ommos ubbaaroo deere addan laka asiꞌdanna.

Luuka 9:3 ပူးပေါင်းရင်းမြစ်များ

Marko 6:7

Abattitiis tomon ichoow lammacho ba isiwahe, lallamma ka ili kharaat ierge, antohi icho ginnayyo enenyet goya kabahchaan laka siiche.

Luuka 12:22

Yeesso ꞌdeerka wihi us abattitiis iyidah, “Maantaka wihi an atin iadeeh, jirotiin akawaꞌdwaaꞌdina, wihi atin tamhiin, ommos sartiin ka wihi atin gessattaan.

Luuka 12:28

Chirri Waakh hoosi keley baho, toolla jiro saahta ꞌdab lakalugꞌdo gaado, geeddoo meheenye atin weyti atin gaada? Atin eenna geeddoo rucchul on Waakh kakhuuftaane!

Luuka 22:35

Yeesso ꞌdeerka wihi us abattitiis worsate, “Maanti goorat chilimme ichoow ugar ichoow kobo laan an atin ergade atin wohoo a waayteen?” Wihi iche ilaabte, “Walahba.”

Luuka 3:11

Yoohana wihi us ilaabe, “Eti ubbaar lamma derdeer khabo, eti ikhabin koo a siicho, eti golol khabo la ki ikhabin a leegismo.”

Luuka 5:29

Laawi saahka goobiis ka sukuukuhi buure Yeesso ibahche, ururi buurenye ꞌdooꞌdoo kooddi goocho illeh kijiraan ichoow ꞌdooꞌdoo addan icho a leegolossata.

Luuka 9:4

Mimbaaw atin gesseen on fiddiya ichoowka ilkerengeettaas kabaha.

2 Timooti 2:4

Eti iskarenye diho kajiro hilassoo addane ballaaddan ma gelo. Usuhi eti iskareete usu iween kahamaadicho ꞌdoonaa.