Luuka 9:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Toro wihi us iyidah, “Ínam Aadam sinati buurenye latusa, ewweenki Yaꞌhuud ichoow kuhaaniyyohi wewween ichoow tagaammeti amurre usu ꞌdiiꞌdaane, layagiise ibeenki seyyahnaatteet ka omoot lakasookahcha.”

Luuka 9:22 ပူးပေါင်းရင်းမြစ်များ

Mattaayo 17:12

Iꞌdaasenyi, wihi an atin icheeko, Eliiya orey on yimiyye, ꞌdooꞌd la eti us yahe ma kasine, iꞌdaasenyi suujoonki noole icho ꞌdoonaan usu tuseen. Ínam Aadam laka, saggaas on dahanohicho ka dowwanoha ka sina ikawaarta.”

Mattaayo 17:22

Chiꞌ abatti tuumman boroofenhi Gaalilaaya ka isitimiy ka, wihi us iyidah, “Ínam Aadam dowwanoha ka ꞌdube lagoocha, dahanohi enenyet lagessa,

Mattaayo 27:63

Wihi icho yidaaheen, “Eti weenoow, wihi etaas ekkeysi leh geeddi us noolyahe yidah a kasooꞌhella. Us mehe yidah ya, ‘Chirri maan seyyahe kutte, omoot a kasookaha.’

Marko 8:31

Yeesso ꞌdeerka abattitiis wihi Waakh gooche abinnaan sookhabte. Waha la a saggi Ínam Aadam sinati buure liituso, ewweenki Yaꞌhuud ichoow kuhaaniyyohi wewween ichoow tagaammeti amurre usu iꞌdiiꞌdaane, liiyagiise, chirri maan seyyahe kutte us omoot ikasookaho.

Marko 9:31

a mehe abattitiissa wohoo abchaa. Wihi us iyidah, “Ínam Aadam dowwanoha ka ꞌdube lagoocha, dahanohi enenyet lagessa yagiisiine, chirri maan seyyahe kutte ka omoot kasookaha.”

Luuka 17:25

Iꞌdaasenyi koloo Ínam Aadam sinati buurenye kawaarta, ꞌdooꞌdi weyꞌda la usu ꞌdiiꞌda.

Luuka 24:26

Wihi massane ꞌdooꞌdaas Waákh íyeyyeedo cheeke, Ki Lasubhe sinayyoha tuummane ꞌhela ꞌdee inti weyti us kaababo irta menya?”

Luuka 24:44

Ulla wihi us iyidah, “Waha dakkhan a wihi maanti goorat an atin leejiro an atin icheeke, wihi tuummane ani imiinsane Chiirnaanneti Amurre ichoow ti ꞌdooꞌdi Waákh íyeyyeedo ichoow ti buuggi Sabuur lakachiire a labuuhicha.”

Luuka 24:7

‘Wihi massan Ínam Aadam dahanohi ꞌdooꞌdi uskeel lehe lagessa, massalaaba lakakaaha, ibeenki seyyahnaatteet ka omoot lakasookahcha.’ ”

Luuka 9:44

“Taba waha an atin isooadeeh mujjum nabah isuda! Ínam Aadam dowwanoha ka ꞌdube lagoocha, dahanohi enenyet lagessa.”

1 Koriinto 15:4

Usu a lahawwaale, ibeenki seyyahnaatteet ka Waakh omoot kasookahche, saggi Chiirnaanneti Waakh liikachiiruu.

1 Beetero 1:11

ꞌDooꞌda Waákh íyeyyeedo Rubey Kiriistoti goycho kijirto icho et ichoow maan tusso iche aban ꞌdooneen. Rubey Kiriisto la wahanyeyyoha saggi Kiriisto sina liikawaaricho yomboka liiweynaacho miinsan orey on cheekte.