Luuka 9:20 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁰ “Iꞌdaasenyi atin la? An a ayyo tadeehiin?” worsate. Beetero wihi us ilaabe, “At a Ki Lasubhe, a ki Waakh.”

Luuka 9:20 ပူးပေါင်းရင်းမြစ်များ

Mattaayo 22:42

“Ki Lasubhe mehe ikhaattaan? A ínam eyya?” Iche la wihi iche ilaabte, “A hiiy Dawuud.”

Mattaayo 26:63

Iꞌdaasenyi Yeesso gammadiche. Kuhaanihi weyti ween la wihi us iyidah, “Magahi Waakkhi jiro ka daato, usu at Ki Lasubhe toro Weeli Waakh tahe, nah isoocheek”

Mattaayo 5:47

Chirri atin ꞌdooꞌdiinna on bariitissaan la walah addane atin ꞌdooꞌdi addan ꞌdirihiis yeesseen mele. ꞌDooꞌdi Waakh igaran laka iꞌdaas a yeela on.

Marko 14:61

Iꞌdaasenyi Yeesso gammadiche, walah us soolaabe mele. Kuhaanihi weyti ween toro wihi us worsate, “At a Ki Lasubhe, a Weeli Waakkhi Lakoolicho?”

Marko 8:29

“Iꞌdaasenyi atin la? An a ayyo tadeehiin?” worsate. Beetero wihi us ilaabe, “At a Ki Lasubhe lasugo.”

Luuka 22:67

Icho tuumman la wihi icho worsateen, “Nah isoocheek chaꞌat Ki Lasubhe tahe.” Yeesso wihi us ilaabe, “Chaꞌan atin isoocheeke, ma irummeysattaan.

Luuka 9:19

Wihi iche ilaabte, “Gaasoo ati a Yoohanahi Enenyet Baattissiyo essa, gaasoo a Eliiya essa, gaasoo laka at a etoo goorat Waákh íyeyyeedo omoot ka sookahe essa.”

Yoohana 1:41

Wihi kolooraate Andereeya yeele, Siimonhi walaaliisenye yowte, “Ki Lasubhe a ꞌhelle,” iyidah. Ulla a Kiriistohi lasugo.

Yoohana 1:49

Naꞌdaanayel wihi us yidah, “Eti weenoow! Ati Weeli Waakhe. Ati a karnati Issiraayel.”

Yoohana 11:27

Iche la wihi iche itidah, “Aa, Kamur, saggi at Ki Lasubhe itahe, at Weeli Waakhe goorat harrata yamiit itahe, a rummeesda.”

Yoohana 20:31

Iꞌdaasenyi waha a lachiire, ꞌdee saggi Yeesso rumanka Ki Lasubhe iyahe, us Weeli Waakh iyahe, rummeysattaan. Kakhuufnaanki atin usu kakhuuftaan ka la jiroti jirtuu imassanne khabtaan.

Yoohana 4:29

“Kaaleya eti wihi tuummane goorat an yeele isoocheeke arga. Eta a geeddi us Ki Lasubhe yahe?”

Yoohana 4:42

Wihi icho makhaabál iyidaaheen, “Toolla yeedaah kalday on ma rummeysanni, iꞌdi tahe nah laka awteenyuu usu a daagne, toolla la saggi rumanka eta ꞌDoorribehi enenyeti harra tuumman iyahe a garanna.”

Yoohana 7:41

Gaasoo la mehe essaan ya, “Usu a Ki Lasubhe.” Iꞌdaasenyi gaasoo mehe worsateen ya, “Ki Lasubhe saggoh boroofenhi Gaalilaaya ikayamiit?

Hilassi Ergaano 17:3

wihi massan, Ki Lasubhe sina lakawaaricha, toro omoot kasookaha. “Yeessoha an atin idowdowo iche Ki Lasubhee,” iyidah.

Hilassi Ergaano 8:36

Jit ka ꞌdulaani bicchehoo ꞌheleene eti sangꞌee la wihi us yidah, “Yey, bicche kallaayo! A iꞌdoh ani liibaattissiyin?”

Hilassi Ergaano 9:22

Iꞌdaasenyi Saawulo jiti miige ka wori Waakh cheeke. Ulla wahanyeyyohi ittaawe ka saggi Yeesso rumanka Ki Lasubhe iyahe tuse, ichoowka ꞌdooꞌdi Yaꞌhuude Damaasko yaal malaliche.

1 Yoohana 5:1

Eti tuummane saggi Yeesso Ki Lasubhe iyahe rummeesti a nyaakhuti Waakh. Eti tuummane Waakkhi Aabbaheene ꞌdoono la, nyaakhuti Waakh laka a ꞌdoona gon.