Luuka 9:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Ulla ergaano ili kharaat ierge, ꞌdee wori dakhi Waakh miinsan cheekta, ꞌdooꞌdi khakkhannan laka samaassa.

Luuka 9:2 ပူးပေါင်းရင်းမြစ်များ

Mattaayo 10:5

Yeesso reera tomon ichoow lammee ili kharaat ierge, wihi us leefarme la a mehe ya, “Ili ꞌdooꞌdi yaafohi Yaꞌhuud ieheynan iiranna ommos ilkerengeettoo kaldaye Saamariya laka agelina.

Mattaayo 13:19

Chiꞌ etoo wori dakhi Waakh miinsan daago toro la wihiis iaban, Seytaanki uskeel leh a yamiite, woraas icho daageen uurassicho kabahcha. Waha a ilmohi jit lakachibo.

Mattaayo 24:14

Wora Haaggane dakhi Waakh miinsan la harra tuumman ka a lacheeka, garti ꞌdooꞌdi harra tuumman yateehe, ꞌdee ꞌdeerka ibeenki yomboot yateeh.

Mattaayo 3:2

Wihi us yidah, “Uskeeliin kasoonokhda, iꞌdi tahe dakhi goobi Waakh a soodowwaatee.”

Marko 16:15

Wihi us icho iyidah, “Nyaama harra tuumman taba, Wori Haaggan la ꞌdooꞌdi Waakh soouume tuumman icheeka.

Marko 6:12

Abatti bahte, Yeedi Waakh cheekte, enenyet tuumman la, “Uskeeliin kasoonokhda,” itidah.

Luuka 10:1

Saahka toro Kamur reeroo addane tomon teeba ichoow lammee soobahche, et lallamma ka iskaꞌdare, ilkerengeeto ichoow meessi tuummane us dowwanoha ka sooirti iergate.

Luuka 10:11

‘Ebeeri ilkerengeettiinna luhlo nah kaangago laka atin on atin isahna, waha la saggi Waakh sina atin ituso iche tusaan. Iꞌdaasenyi waha abda, dakhi Waakh a soodowwaate.’

Luuka 10:9

ꞌDooꞌdi khakkhannane ilkerengeettaas kajiro samaacha, wihi atin itadeehiin, ‘Dakhi Waakh kola a atin isoodowwaate.’

Luuka 16:16

“Chiirnaanneti Amurre ichoow ti ꞌdooꞌdi Waákh íyeyyeedo tuumman ꞌdooꞌd a liicheeke ichoowka Yoohanahi Enenyet Baattissiyo yimiy. Uus maantaas, Wori Haaggane dakhi Waakh miinsan enenyet a liicheeka. Ebba la usuhi miigtiis ka dakhaas gelo marma.

Luuka 9:11

Iꞌdaasenyi ururre kasse, ꞌdubiis leetimiy. Ulla soodowweeste toro wori dakhi Waakh miinsan icheeke, ꞌdooꞌdi khakkhannan laka samaache.