Luuka 9:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Wihi iche ilaabte, “Gaasoo ati a Yoohanahi Enenyet Baattissiyo essa, gaasoo a Eliiya essa, gaasoo laka at a etoo goorat Waákh íyeyyeedo omoot ka sookahe essa.”

Luuka 9:19 ပူးပေါင်းရင်းမြစ်များ

Mattaayo 14:2

Ulla wihi us ꞌdooꞌdiiski hil haaggicho iyidah, “Waha a Yoohanahi Enenyet Baattissiyo. Omoote kasookahe, jeentetaase miigti us wihi weeli enenyet yeelin iubaaꞌdan kahaaggicho ikhaba.”

Mattaayo 3:1

Inkoo guꞌhassoo kuteen ka, Yoohanahi Enenyet Baattissiyo yimiyye, hidaaddi boroofenhi Yaꞌhuudiya ka Yeedi Waakh cheeke.

Marko 6:14

Karnati ꞌHerood layadeeh la waha tuumman daage, a mehe magah Yeesso weyti ballaaste. Enenyet gaasoo mehe essa ya, “Yoohanahi Enenyet Baattissiyo iche omoot lakasookahche! Miigta iꞌdeenye goytiis ka hil haaggisso, wihi enenyet iubaaꞌdan us yabuuꞌd, a jeentetaas on.”

Marko 6:15

ꞌDooꞌd gaasoo laka mehe essa ya, “Eta a Eliiya.” Gaasoo la mehe essa ya, “Eta a eti Waákh íyeyyeedo, a iꞌdi makhaaballeti goorat Waakh iyeyyeeddo kichekoo.”

Luuka 9:18

Maantoo chirra Yeesso keley Waakh wahti abattitiis la a leejirta, wihi us icho worsate, “Ururre an a ayyo elatta?”

Luuka 9:20

“Iꞌdaasenyi atin la? An a ayyo tadeehiin?” worsate. Beetero wihi us ilaabe, “At a Ki Lasubhe, a ki Waakh.”

Yoohana 1:21

Iche la wihi iche worsatte, “At ꞌdeerka a ayyo? At a Eliiya?” Ulla, “Mele,” yidah. “At a eti Waákh íyeyyeedo inno sugno?” worsateen. Wihi us ilaabe, “Mele.”

Yoohana 1:25

wihi iche worsatte, “Chirri at Ki Lasubhe ieheynane ommos at eti meel Eliiya gele ieheynane ommos at eti Waákh íyeyyeedo inno sugno ieheynan, a iꞌdohe ꞌdooꞌd ibaattissita?”

Yoohana 7:40

Urur goyaka ꞌdooꞌd gaasoo yeeda daage wihi us yidah, “Eta rumanka, a eti Waákh íyeyyeedo goorat Waakh ayyiche, Waakh, ‘A sooerga,’ yidah.”

Yoohana 9:17

Farissaayo et toro inokhatte wihi iche itidah, “Et indo a kihaaggiche gone, mehe usu miinsane tadeeh?” Et wihi us ilaabe, “Eta a eti Waákh íyeyyeedo.”