Luuka 9:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Iꞌdaasenyi ururre kasse, ꞌdubiis leetimiy. Ulla soodowweeste toro wori dakhi Waakh miinsan icheeke, ꞌdooꞌdi khakkhannan laka samaache.

Luuka 9:11 ပူးပေါင်းရင်းမြစ်များ

Mattaayo 12:15

Yeesso saggi Farissaayo ogoos iyowatti garta, intaas katabe. Ururoo buure la raahe, Yeesso la ꞌdooꞌdichoki khakkhannan tuumman samaache.

Mattaayo 14:14

Chirri beyti Gaalilaaya afiche ka Yeesso kooban kasooyage ka, urura buure arge, weyti uur inugleeste, toro ꞌdooꞌdichoki khakkhannan laka samaache.

Mattaayo 21:31

“Yeelataas lammache, koh wihi aabbahicho yeela iyidah yeele?” Wihi icho ilaabeen, “Ki ween.” Yeesso chirraakka wihi us iyidah, “Rume atin icheeka, ꞌdooꞌdi inno ꞌdooꞌdi uskeel leh nadeehe, iꞌdi maanta ꞌdooꞌdi kooddi goocho ichoow malaayeyyee, icho ortiin dakhi Waakh gela.

Mattaayo 21:43

“Maantaka wihi an atin icheeko, dakhi Waakh a atin lakakhaata yaafti gurnaanki Waakh ꞌdoono desso lasiicha.

Luuka 1:53

ꞌDooꞌdi raarahte wihi hahhaaggan ka dargiche, iꞌdaasenyi kamurre dahano marah rihe.

Luuka 5:31

Yeesso wihi us ilaabe, “ꞌDooꞌdi ilkitárri yowti ki feffeyyan menye, iꞌdaasenyi a ki khakkhannan.

Luuka 8:1

Waha ꞌdubicho ka, Yeesso goobab ichoow ilkerengeeto dah kagooche, Wori Haaggane dakhi Waakh miinsan icheeke. Abattitiisti tomon ichoow lammee laka usu a leejirte.

Luuka 8:10

Wihi us iyidah, “Waakh garanti wihi dagsane dakhi Waakh miinsan lagarti a atin siiche. Iꞌdaasenyi ꞌdooꞌdi addan a imammahda, “ ‘ꞌdee walah yeyaane, eheet a ma argaan, wihi an eldi daagaane, eheet a ma abtaan.’

Luuka 9:10

Chirri ergaano soonokhatte ka, wihi iche yeesse Yeesso icheekte. Yeesso ꞌdeerka ergaano khaatte ilkerengeettoo Bessaayda layadeeh ka intoo khaawwan irteen.

Luuka 9:12

Chirri orrahe soodihto ka, ergaanoti tomon ichoow lammee itimiyye wihi iche itidah, “Urur laabe ꞌdee goobassi soodow ichoow gosasha soodow ka golol ichoow bari a yowti. A mehe inta a yibe.”

Luuka 9:2

Ulla ergaano ili kharaat ierge, ꞌdee wori dakhi Waakh miinsan cheekta, ꞌdooꞌdi khakkhannan laka samaassa.

Yoohana 4:34

Yeesso la wihi us iyidah, “Wihi uur iꞌdoono iꞌdi gololeeye a mehe ya, a anihi wihi Waakkhi isooerge ꞌdoono yeelo, toro la hili goorat us dahanteey soogesse massicho.

Yoohana 6:37

“Eti tuummane Aabbaheey dahanteey soogesso ani iyamiit. Anna eti tuummane ani iyimiy jirtuu ma riho.

Hilassi Ergaano 28:31

Baawulo intaas ka roorro laan wori dakhi Waakh miinsan cheeke, toro wori Yeesso Kiriistohi Kamure miinsan ꞌdooꞌd abche, et jeyche la mele.

Rooma 10:14

Iꞌdaasenyi, saggoh Kamuri icho irummeysan iwahaan? Toro la chirri icho woriis idaagin, saggoh Kamura irummeestaan? Toro la saggoh wora idaagaan chirri etoo wora ikacheekin?

Rooma 10:17

Maantaka kakhuufnaanki Waakh lakakhuufo Wora Haaggane ladaago kayamiit. Wora Haaggan la chirri wori Kiriisto miinsan lacheeko iche ladaaga.

Rooma 15:3

A mehe Kiriisto rubeytiis ma iskahamaadin. Iꞌdaasenyi wihi chiiran, “Okkhoow abaari ꞌdooꞌd kileeabaarramo ani isookute.”

2 Timooti 4:2

Tab giꞌde tannabo Yeedi Waakh kolal dakkhan ꞌdooꞌd icheek. ꞌDooꞌd saggi us uskeel iyeele icheeke, leejaakh, toro uur miigooy. Geeddi at waha yeesso la weyti samacchaare, mujjum la enenyet walah abi.

Ibiraaniya 4:16

Maantaka Waakkheenki haaggiiski buure inno tusti roorro laan kombortiisti antoot ortiis iranni giꞌde. Intaas ka maambaaw inno gargaar ꞌdoonno, us uure inno isoonugleesta toro haaggiiski buure inno siicha.