Luuka 9:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Yeesso chirri us ergaanotiisti tomon ichoow lammee isiwahe ka, miig ichoow antohi icho ginnayyo tuumman kabahchaane toro icho sugeerre kasamaachaan siiche.

Luuka 9:1 ပူးပေါင်းရင်းမြစ်များ

Mattaayo 16:19

Fureyyohi dakhi goobi Waakh a kisiicha. Walahbaaw at harra ka hiddo, Waakh laka goobiis ka a hide. Wihi at harrata ka furto la, Waakh laka goobi Waakh ka a fure.”

Mattaayo 4:24

Woriis boroofenhi Siiriya tuumman kataaꞌhe, ꞌdooꞌd la ꞌdooꞌdi tuummane khakkhannane sugeerreti yeerare khabo ichoow ki bolokkhi uskul khabo ichoow ki ginnayyo dakhtaan ichoow ki sungaal khabo ichoow ki maꞌdee ikeene, ulla icho tuumman samaache.

Mattaayo 8:9

Iꞌdi tahe ani rubeyteey laka a etoo iskarti addane ikawewween antohicho raaho, toro la iskarti addane an andi laka a jirta. Chirri an koo, ‘Kaale,’ iidah a yamiit. Chirri an koo, ‘Nyaam iro,’ iidah la a irta. Chirri an ilbooyeey, ‘Waha yeel,’ iidah la a yeela.”

Luuka 10:1

Saahka toro Kamur reeroo addane tomon teeba ichoow lammee soobahche, et lallamma ka iskaꞌdare, ilkerengeeto ichoow meessi tuummane us dowwanoha ka sooirti iergate.

Luuka 10:19

An antohi atin toofaf ichoow arraaro kayabattaan a atin siiche, toro la miigti atin miigti chiiytan kasoorissaan a atin siiche. Walah atin gaameero mele.

Yoohana 14:12

Rume atin icheeka, eti tuummane ani irummeesti, wihi an yeelo a yeela. Wihi waha kussan laka a yeela, iꞌdi tahe an Aabbahaaya inokhda.

Hilassi Ergaano 1:8

Iꞌdaasenyi maanti Rubeyti Munyee atin isooyagte, miig a ꞌhessaane, atin la weheeyki atin garattaan cheektaan. Ilkerengeetti weene Yeerusaleem ka ichoow boroofenneti Yaꞌhuudiya ichoow ti Saamariya ka ichoow harra tuumman ka cheektaan.”

Hilassi Ergaano 3:16

Kakhuufnaanki nah antohi magah Yeesso kakhuufno ka, eta orran dakkhan atin wihiis garattaane, toolla la agartaan, a lasamaache. Magah Yeesso ichoow kakhuufnaanki usu kayamiit, iche eta tuum samaache, saggi atin tuumman iagartaan u.

Hilassi Ergaano 4:30

Antohi magah Yeessohi falfataahti munyee ka, dahantaah sooge enenyet samaache, wahanyeyyohi miigti Waakh tuso ichoow girmo yeel.”

Hilassi Ergaano 9:34

Beetero la wihi us Ayyenneya iyidah, “Ayyenneya, Yeesso Kiriisto a kisamaacha, kahe ilaalaah khaat!” Ulla chirraas on sookahe.