Luuka 8:44 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁴ Yeesso ꞌdubiis leetimiyye, laddi kabuuꞌdiis ꞌdaarte, chirraas on diiggi ꞌdulo tolossate.

Luuka 8:44 ပူးပေါင်းရင်းမြစ်များ

Mattaayo 20:34

Yeesso la uur isoonugleeste, indohicho ꞌdaare. Chirraas on il argeene usu raaheen.

Mattaayo 8:3

Yeesso dahan ooge, et ꞌdaare, wihi us iyidah, “A ꞌdoona, biꞌdir bah!” Chirraas on buꞌdati kootte et sar kasoofoofte baabaate, et samaate.

Mattaayo 9:20

Chirraas on makhaabassoo khannane geeddi guꞌh tomon ichoow lamma ba diigte Yeesso ꞌdubiis leetimiyye, laddi kabuuꞌdiis ꞌdaarte.

Marko 6:56

Meelbaaw Yeesso irte ka, ilkerengeeto eheetteey, goobab eheetteey ommos gosas eheetteey ka ba, ꞌdooꞌdichoki khakkhannan siriiro kasoosiꞌdaane, sokkoti ꞌdee us yamiit, geecheen. Hawwaasteene, “Alley bal laddi kabuuꞌdaah kalday laka a ꞌdaareen,” iyidaaheen. Eti tuummane ꞌdaare la samaate.

Luuka 13:13

Ulla dahantiis makhaabassaas korche, iche la chirraas on fit tolossatte, Waakh koolisse.

Luuka 7:38

Yeessohi dikkil kajiifo adahtiis tolossatte ooyte, ilmohiche ka luhlohiis khuyyaamisse. ꞌDeerka tinticheti matah ka hiyyaayte, luhlohiis doddongatte, miricchi ka subahte.

Luuka 8:43

Ururaas goyaka la makhaabassoo guꞌh tomon ichoow lamma hugunkiche tolossawwaaye diig on ꞌdulo la a jirta. Iꞌdaasenyi et samaan yabuuꞌd mele.

Luuka 8:45

Yeesso wihi us worsate, “Ayyo iꞌdaare?” Chiꞌicho tuumman ꞌdiiꞌdeen ka, Beetero wihi us yidah, “Eti ween, ꞌdooꞌd ꞌdollohaah tuumman ka a issootakha, ishude.”

Yoohana 5:13

Eti lasamaache la, eti us yahe ma garti. A mehe ururi buurenye intaas kajire, Yeesso la urur goya tabe.

Hilassi Ergaano 19:12

ꞌDeerka dafartoor fool lakahiyyaayti ichoow darfohiiski chaafo kalaabo sartiissa on ꞌdaare laka a lakhaata ꞌdooꞌdi khakkhannan liigeecha, samaataane ginnayyo laka enenyet goya lakariha.

Hilassi Ergaano 5:15

Jeenteti wihi ergaano haaggissuu, enenyet ꞌdooꞌdichoki khakkhannan jitate keene, siriiro ichoow ilaalle kareeche. Iꞌdane yeeleene, ꞌdee kolossoo chirri Beetero sohti oosintiis ꞌdooꞌdoo khakkhannan oosimmoosse, samaataan.