Luuka 8:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Too la a Yoowana makhaabál Chuusa. Chuusa la min ꞌHerood ka ilbooyye iweenyahe. Too la a Sussanna ichoow deyyehotoo addane ittaawe. Deyyehota hoolahichooda Yeesso ichoow abattitiis ba kagargaarte.

Luuka 8:3 ပူးပေါင်းရင်းမြစ်များ

Mattaayo 14:1

Saahka ꞌHeroodhi boroofenhi Gaalilaaya iween wihi Yeesso yeelo daage.

Mattaayo 14:3

ꞌHeroode goorat Yoohana sookhabte, jeela ka hide. Waha la a jeente ꞌHeroodiyati makhaabál walaaliiski Fiilif layadeeh.

Mattaayo 14:6

Maanti seeri goorat ꞌHerood desse soomare ka, inám ꞌHeroodiya ꞌdooꞌd tuumman ortiis ka ꞌdurte, ꞌHerood weyti hamaadisse.

Mattaayo 2:11

Chirri icho min geleen ka, weel ichoow Maariyati abartiise argeene, jilbo il kaguꞌddeene weel wahteen. Urgohicho fureene, gaalkahsihi weyti gato miigenye icho sookhaateen soobahcheene, siicheen. Gaalkahsiha la a ꞌdahab ichoow halalle ichoow miricchinye.

Mattaayo 20:8

“Chirri il gelebnowe ka, eti gos leh falfatiisti ween wahe wihi us iyidah, ‘Nyaame ꞌdooꞌdi hil haaggiche wahe, gut. Koloo la reeri an yomboka kireesde kasookhabo ichoowka ki an orey kireesde eleeli.’

Mattaayo 25:40

“Karnat la wihi us ilaabo, ‘Rume atin icheeka, wihi atin ꞌdooꞌda irummeeste wohoo liikoogeynan iyeesseen, a iꞌdoo atin ani iyeesseen.’

Mattaayo 26:11

Miskiin kol dakkhan goytiinna kakhabtaane, iꞌdaasenyi ani kol dakkhan ma ikhabtaan.

Mattaayo 27:55

Deyyehoti ittaawe intaas a kijirte, fogaka a ꞌdeyꞌdoossa. Icho Yeesso boroofenhi Gaalilaaya kasooraaheene ꞌdee gargaaraan.

Luuka 24:10

Deyyehoti waha ergaano icheekte la a Maariyati ilkerengeetti Magdaala ichoow Yoowana ichoow Maariyati abar Yaakoobee ichoow deyyehoti addane leejirte.

Yoohana 12:6

Jeenteti us miskiino uur ikasoonugleeste mee waha iyidah. Jeenteti us iꞌdaas iyidah, a jeenteti us ugarti chilimme ikhuccho, us chilimme ihato.

Hilassi Ergaano 13:1

Urur Kiriistoki ilkerengeetti Antiyookhiya kijiro ꞌdooꞌdoo Waákh íyeyyeedo ichoow ꞌdooꞌdoo Yeedi Waakh ꞌdooꞌd abcho goya a kijire. Icho la a Barnaba ichoow Siimiyonhi Nigeer layadeeh ichoow Luukiyohi ili Kureene kayimiy ichoow Manaayenhi gaafanahi ꞌHerood Antiiba layadeeh weyneeste ichoow Saawulo.

2 Koriinto 8:9

Iꞌdi tahe haaggi buurenye koo Yeesso Kiriistohi Kamureene a garattaan. Chiꞌ kamurroon tuumman kiis yahe laka, jeentetiin u miskiine yitahye, ꞌdee miskiinkiis ka kamurrowtaan.

Fiiliffi 4:22

ꞌDooꞌdi Waakhe inta kajiro tuumman a atin soobariitiche. Kach ka la ꞌdooꞌdi min Kaaysar hil kahaaggicho a atin soobariitiche.

1 Timooti 5:10

toro la a ti jeenteti iche haag iyeessuu enenyet tuumman inkaanyito. Haaggiche a ꞌdow on. A ti nyaakhuutiche jiti haaggan kasooweynaasse, a ti goobiche ka ꞌdooꞌd martiisatte, a ti ꞌdooꞌdi Waakh iꞌdi ilbooy u luhlo dikhte, a ti ꞌdooꞌdi sina khabe gargaarte. A ti hili haaggan tuumman isisoobihisse.