Luuka 8:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Wihi us ilaabe, “Abarteey ichoow walaalinyeteey a ꞌdooꞌdi Yeedi Waakh kayimiy daago toro la raaho.”

Luuka 8:21 ပူးပေါင်းရင်းမြစ်များ

Mattaayo 17:5

Yeyyeedaayi, mirisoo dakhane torrogoot icho ankube, hooyoo la miris goyaka sooyeede, “Waha a Weeleeyki an weyti ꞌdoono, an weyti kahamaado. Usu nabah isuda!” yidah.

Mattaayo 25:40

“Karnat la wihi us ilaabo, ‘Rume atin icheeka, wihi atin ꞌdooꞌda irummeeste wohoo liikoogeynan iyeesseen, a iꞌdoo atin ani iyeesseen.’

Mattaayo 25:45

“Ulla ꞌdeerka wihi us ilaabo, ‘Rume atin icheeka, chirri atin ꞌdooꞌdeeykaar wohoo liikoogeynan gargaariwwaayteen, a iꞌdoo atin ani igargaariwwaayteen.’

Mattaayo 28:10

Yeesso ꞌdeerka wihi us icho iyidah, “Roorro akhabina! Nyaama ꞌdooꞌdi irummeeste wihi atin itadeehiin, ‘Gaalilaaya irda, intaas ka ꞌdee a iagartaan.’ ”

Luuka 8:15

Iꞌdaasenyi ilmohi harrati haaggan lakachibe a ꞌdooꞌdi hahhaaggane, uuri haaggan khabo Yeedi Waakh daago uuricho gessati, jeenteti us igarrahsatuu gurnaan delo.

Luuka 8:20

Etoo wihi us Yeesso iyidah, “Abartaah ichoow walaalinyetaah ba khare toollaane, ichohi kaargo ꞌdoonaan.”

Yoohana 13:17

Toolla ꞌdeerka atin runta garattaan, a hamaadoo geeddohe chaꞌatin wihi atin liiꞌdoono yeessaan.

Yoohana 20:17

Yeesso chirraakka wihi us iyidah, “Iikhaban, iꞌdi tahe an uliba Aabbaheey ma inokhan. Nyaame, ꞌdooꞌdi irummeeste iiro, saggi an eti Aabbaheeyenye toro icho laka Aabbahichee ikanokhdi, icheek. Ulla a Waakkhaaya, toro la a Waakkhichooda.”

2 Koriinto 5:16

ꞌDeerka uus toolla kakhabatti iꞌdi ꞌdooꞌdi harratuu, enenyet saggi inno iagarro ma ikhaanno. Chiꞌinno goorat Kiriisto iꞌdoo us weeli enenyet yahuu iꞌdaas yeelle laka, kola iꞌdaas ma yeello.

2 Koriinto 6:18

“An ooyohiinna ateehe, atin la nyaakhutaaya tateehiin,” iche Kamuri Miig Tuumman Leh essa.

Yaakoobo 1:22

Toro la Yeedi Waakh nabah kalday iisudina. Iꞌdaakka a isekkeysattaan. Wihi us yeela essi laka yeela.

1 Yoohana 2:29

Chaꞌatin saggi Kiriisto ifissanyahe garattaan, saggi ꞌdooꞌdi tuummane wihi fissan yeelo nyaakhuti Waakh iyahe a garattaan.

3 Yoohana 1:11

Aaleeyki an weyti ꞌdoono, ꞌdooꞌdi suujoon yeelo goya atabine, iꞌdaasenyi ꞌdooꞌdi haag yeelo on dabatiis raah. Eti tuummane haag yeelo Waakhe kayimiy. Eti tuummane suujoon yeelo la Waákh ma argin.