Luuka 8:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Deyyehotoo goorat ginnayyo ichoow sugeerretoo addan ka lasamaache Yeesso a leejirte. Deyyehota, too a Maariyati ilkerengeetti Magdaala goorat Yeesso ginna teeba kabahche.

Luuka 8:2 ပူးပေါင်းရင်းမြစ်များ

Mattaayo 4:24

Woriis boroofenhi Siiriya tuumman kataaꞌhe, ꞌdooꞌd la ꞌdooꞌdi tuummane khakkhannane sugeerreti yeerare khabo ichoow ki bolokkhi uskul khabo ichoow ki ginnayyo dakhtaan ichoow ki sungaal khabo ichoow ki maꞌdee ikeene, ulla icho tuumman samaache.

Marko 16:1

Inkoo Seeri Lanaso kute ka Maariyati ilkerengeetti Magdaala ichoow Maariyati abar Yaakoobee ichoow Saloome miricchihoo weyti uyuuge soogateen, sar Yeesso kasubhaanee.

Marko 16:9

Ibeenki oraate teebataase us omoot kasookahe ka, kolooraat Maariyati ilkerengeetti Magdaala goorat us ginna teeba kabahche isoobahe.

Luuka 23:27

Ururi buure la Yeesso ꞌdubiis leeyimiy. Urur goyaka la deyyehotoo jeente Yeessuu ooyto uuwwisso a jirta.

Luuka 23:49

Iꞌdaasenyi ꞌdooꞌdi usu garti tuumman deyyehoti goorat boroofenhi Gaalilaaya kasooraahte khabaani foga tolossateene wahanyeyyoha ꞌdeyꞌdoocheen.

Luuka 23:55

Deyyehoti Yeesso ilkerengeetti Gaalilaaya ka sooraahte la Yuussuf raahte goꞌddi Yeesso lakahawwaale ichoow saggi sartiis goꞌddaas ka liireeche argeen.

Luuka 8:30

Yeesso la, “Magahaah a ayyo?” worsate. Wihi us ilaabe, “Magaheey a Ururi Iskareet.” Waha a jeenteti ginnayyohi ittaawe goytiis igeleen.

Yoohana 19:25

ꞌDooꞌdi massalaaba Yeesso hagga toolle a abartiis ichoow iingotiis ichoow Maariyati makhaabál Kiiliyoobaase ichoow Maariyati ilkerengeetti Magdaala.

Hilassi Ergaano 1:14

Ichohaas tuumman, ichoow oboorrihoo addan ichoow Maariyati abar Yeessee, ichoow walaalinye Yeesso ba kol tuumman a sooururaane Waakh isleewahtaan.