Luuka 7:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Yeesso ꞌdeerka ewween raahe. Chirri us minki eti koobbinti iskareet itoollo idowwaate ka, etaas aalassiiskoo Yeesso or kasoodowche, wihi us iyidah, “Kamur, sina iiskawaarin, a mehe minkeeyki at tamiit ma muꞌdan.

Luuka 7:6 ပူးပေါင်းရင်းမြစ်များ

Mattaayo 20:28

Saggaas on u, Ínam Aadam ma imaatane ꞌdee enenyet usu ma ifalo, iꞌdaasenyi a yimiyye ꞌdee us ꞌdooꞌd ifala, rubeytiis diiba, ꞌdee enenyeti ittaawe mogti uskeelicho iguta.”

Mattaayo 3:11

Yoohana toro wihi us yidah, “Ani atinhi tuummane uskeeliin kasoonokhatteen, bicche atin kabaattissiya. Iꞌdaasenyi etoo ꞌdubeey ka yamiit weyti ikaweenyahe, ortiis ka walah an ahe mele, kobtiis laka sinnaan ma muꞌdan. Us Rubeyti Munyee ka ichoow ꞌdab ka a atin baattissiya.

Marko 5:24

Yeesso ꞌdeerka makhaábal raahe. Enenyeti buure laka raahe, ꞌdollohiis tuumman ka enenyet a ishude.

Luuka 5:8

Chirri Siimonhi Beetero layadeeh wihi yitah arge ka, inkaanyit ka Yeesso ortiis ka jilbo il kaguꞌdde wihi us iyidah, “Kamur an a eti uskeel leh, nyaam ikatab.”

Luuka 7:4

Chiꞌicho Yeesso iyimaateen ka hawwaasteene, wihi icho iyidaaheen, “A imasse chaꞌat eta waha iyeesso,

Luuka 7:5

a mehe yaafteen a ꞌdoona, toro minkeenki weysiite Yaꞌhuud laka a inno idise.”

Luuka 7:7

Jeentetaas u anihi kiamiit ma muꞌdane, iꞌdaasenyi sooyeed ilbooyeey la a samaataa.

Luuka 8:49

Yeesso yeedaas af kakhabaayi, etoo goob Yaayirohi minki weysiite Yaꞌhuud itoollo kayimiyye wihi us yidah, “Weel a massate, eti ween immarah sina akawaarin.”

Hilassi Ergaano 10:38

Saggi Waakh Yeessohi Naasaret Rubeyti Munyee ichoow miig isiiche a garattaan. Jeenteti Waakh ileejiruu us meel tuummane irte, wihi haaggan yeele, ꞌdooꞌdi Seytaan sina kawaaricho samaache.

Yaakoobo 4:10

Kamur ortiis ka isnuglaacha, ulla a atin okkhichaa.

Yaakoobo 4:6

Iꞌdaasenyi Waakh haaggiiski buurenye us inno siicho a kakhayma. Jeentetaase Chiirnaanneti Waakh mehe itadeeh ya, “Waakh eti eylajo a ꞌdiiꞌddanyahe, iꞌdaasenyi eti isnuglaacho haaggiiski buurenye siicha.”