Luuka 7:47 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁷ Maantaka wihi an kiadeeh, makhaabassa uskeelicheki ittaawe a liikakute. A mehe ꞌdooninti buurenye itusatte. Iꞌdaasenyi eti uskeeloo rucchul liikakute ꞌdoonintoo rucchul on Waákh tusta.”

Luuka 7:47 ပူးပေါင်းရင်းမြစ်များ

Mattaayo 10:37

“Eti tuummane ooyohiis ichoow abartiis ꞌdiriheey ꞌdoono, abattiteey ma imaline, toro la eti tuummane yeeletiis ommos albehiis ꞌdiriheey ꞌdoono, abattiteey ma imalin.

Luuka 7:39

Eti Farissaayo Yeesso golol iwahe chirri us waha arge ka, wihi us uuriis goyaka yidah, “Chirri kootte rumanka eta eti Waákh íyeyyeedo yahe, makhaabassa ꞌdaꞌddaarto eti iche tahe a garta, saggi iche uskeel ikaassohatte a garta!”

Luuka 7:46

At subakki geeyi oolif ka matah ma isubhine, iꞌdaasenyi iche luhloheey miricchi ka a subahte.

Luuka 7:48

Yeesso la wihi us makhaabál iyidah, “Uskeelaah a liikaakute.”

Hilassi Ergaano 5:31

Waakh anki dahantiisti miigeet ka weynaache, Karnat ichoow ꞌDoorribe kayeele, ꞌdee yaafohi Yaꞌhuud uskeelicho kasoonokhtaane, Waakh la uskeelicho ikakuta.

Rooma 5:20

Amurre Muusa a lakasookhaye ꞌdee amurreti lajebcho kakhayanta, iꞌdaasenyi maanti uskeel kakhayme, weyti ꞌdirihiissa haaggi Waakhe buurenye inno imunneynan kakhayme.

2 Koriinto 5:14

Saggi Yeesso Kiriisto meessi enenyet tuumman ikayumuy a tissibna. Jeentetuu ꞌdoonin Kiriisto inno dakhatta. Inno tuumman a iꞌdoo inno tuunne, jiroti oraat ma inno dakhatti.

Galaatiya 5:6

A mehe jeenteti wihi Yeesso Kiriisto inno iyeeluu, khandi ommos khandiwaayyo indigir icho khabaan mele. Wohoo kaldaye khummane jira, a kakhuufnaanki inno Kiriisto kakhuufno, ꞌdooninti inno Waakh ichoow ꞌdooꞌdi addan ꞌdoonno lakaargo.

Efeesso 6:24

Waakh ba ꞌdooꞌdi tuummane Yeesso Kiriistohi Kamureene ꞌdooninti imassan ka ꞌdoono imaala.

Fiiliffi 1:9

An Waakhe atin isoowaha, ꞌdee ꞌdooninti atin isꞌdoontaan ichoow ꞌdooninti atin Waakh ꞌdoontaan buuraatta. Geedda iche buuraatti, mujjume Waakh abattaane, toro la haag ichoow suujoon seley bihin tabuuꞌdiin.

1 Timooti 1:14

Kamureen la haaggiiski buurenye an imunneynan weyti ituste. Toro la Yeesso Kiriisto ka, kakhuufnaanki an Waakh kakhuufo ichoow ꞌdooninti an ꞌdooꞌd ꞌdoono a isiiche.

1 Yoohana 1:7

Iꞌdaasenyi chirri inno banay goya kaassohanni saggi us banay goya ikajiruu, inno tuumman kulankoo kaldaye khabna, diig Yeessohi Weeli Waakhe la uskeeleen tuumman a inno kadikha.

1 Yoohana 3:18

Nyaakhuteeyki an weyti ꞌdoono, uus inno yeed ommos af on ka ꞌdooꞌdi addan ꞌdoonine, wihi inno yeello ichoow wihi rummaat ka ꞌdoonno.

1 Yoohana 4:19

Inno Waakh ichoow ꞌdooꞌdi addan a ꞌdoonna, a mehe Waakhe kolooraat inno ꞌdoonee.

1 Yoohana 5:3

ꞌDooninti inno Waakh ꞌdoonno a iꞌda, amurretiissa raahna. Amurretiis la hulees mele.