Luuka 7:44 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁴ Yeesso ꞌdeerka makhaabál iurgiye wihi us Siimon iyidah, “Siimon bal makhaabassa yey! At uus an kootte minkaah imiy bicchehi an luhlo kadikhdi laka ma isiinne, iꞌdaasenyi iche ilmohiche ka luhlo a ikhuyyaamisse, tintiche ka la a ihiyyaayte.

Luuka 7:44 ပူးပေါင်းရင်းမြစ်များ

Luuka 7:38

Yeessohi dikkil kajiifo adahtiis tolossatte ooyte, ilmohiche ka luhlohiis khuyyaamisse. ꞌDeerka tinticheti matah ka hiyyaayte, luhlohiis doddongatte, miricchi ka subahte.

Luuka 7:43

Siimon wihi us ilaabe, “Ani ka, ki chilimmeti buure laleeꞌdiiche.” Yeesso la “Mujjume goosse,” iyidah.

Yoohana 13:5

Wahaas ꞌdubicho ka, karaayatoo bicche kachibe, abattitiis luhlo dikhe, dafarti kootte us dabar kahiite ka hiyyaaye.

1 Timooti 5:10

toro la a ti jeenteti iche haag iyeessuu enenyet tuumman inkaanyito. Haaggiche a ꞌdow on. A ti nyaakhuutiche jiti haaggan kasooweynaasse, a ti goobiche ka ꞌdooꞌd martiisatte, a ti ꞌdooꞌdi Waakh iꞌdi ilbooy u luhlo dikhte, a ti ꞌdooꞌdi sina khabe gargaarte. A ti hili haaggan tuumman isisoobihisse.

Yaakoobo 2:6

Iꞌdaasenyi atin miskiino lakhaanyo a kadowteen. Kamurre menya sina atin kawaarisso? Toro la icho menya kootiin atin geesso?