Luuka 7:42 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴² Inkoo reera lammatiis ba mog gunnaan agaafte ka, eti goorat chilimme leh, lammache ba mog leeꞌdiiche. Kichokoh ꞌdeerka eti mog leh weyti ꞌdoona?”

Luuka 7:42 ပူးပေါင်းရင်းမြစ်များ

Mattaayo 18:27

Kamuri ilbooyaas la uur isoonugleeste, mog leeꞌdiiche, toro la ꞌdiiche irte.

Mattaayo 18:34

Kamuriis hol ka, dahanohi ꞌdooꞌdi usu jeela ka sina kawaaricho gesse ichoowka maanti us mog tuumman sooguto.

Mattaayo 6:12

Uskeeli nah yeelle nah ikakut, saggi nah laka ꞌdooꞌdi uskeel nah iyeele uskeel ikakunnuu.

Luuka 7:43

Siimon wihi us ilaabe, “Ani ka, ki chilimmeti buure laleeꞌdiiche.” Yeesso la “Mujjume goosse,” iyidah.

Rooma 3:24

Iꞌdaasenyi Waakh jeenteti haaggiiski buurenye inno imunneynan u enenyet iꞌdaanu ꞌdooꞌdi ortiis ka fiffissan iekkaacha. Jiti us iꞌda kayeele la a ki us Yeesso Kiriisto ka inno gatte.

Rooma 5:6

A mehe geeddi inno uliba miigtoo rucchule inno iskaribno awteen u ikhabin laka, Kiriisto innohi Waakh ꞌdiiꞌdne a inno iyumuy. Waha la a maanti Waakh on gooche.

Galaatiya 3:10

ꞌDooꞌdi tuummane raahnaanki us amurre Muusa raaho kanool a falanyahe. A mehe wihi chiiran, “Eti orey ikasohanne wihi Buuggi amurre Muusa kachiiran tuumman iraahin a falanyahe.”

Efeesso 1:7

Inno ichoow Kiriisto a wohoo kaldaye, diiggiis ka a inno gatte inno soofure, toro la Waakh uskeeleen a inno ikakute. Wahaas ichoow haaggaas Waakhe buurenye inno imunneynane us inno tuste a israahaan.

Efeesso 4:32

Haag on enenyet iyeela, toro la enenyet uur inugleesda. Saggi Waakh laka jeenteti atin ichoow Kiriisto wohoo kalday itahiin u uskeeliin atin ikakutuu, atin laka eti uskeeloo atin iyeele, uskeel ikakuta.

Kolossaay 3:13

Taba giꞌde chiꞌ etoo atin kaholloocho laka igarrahsada on. Chirri etoo ki addan wohoo kakhabo laka, etaas a ikakuto. Saggi Kamur uskeel atin ikakutuu, saggaas on u atin laka ꞌdooꞌdi addan uskeel ikakuta.