Luuka 7:40 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁰ Yeesso wihi us ilaabe, “Siimon an wohoo an kisoocheeko a khaba.” Ulla wihi us yidah, “Eti ween isoocheek.”

Luuka 7:40 ပူးပေါင်းရင်းမြစ်များ

Mattaayo 26:49

Yuuda chirraas on Yeesso iirte, bariitiche, “Eti weenoow!” iyidahye dongate.

Mattaayo 7:22

Maanti Waakh enenyet hukkumo, ꞌdooꞌdi buure mehe ani iyadeeh ya, ‘Kamur, Kamur, magahaah ka a kiyeyyeene, toro magahaah ka ginnayyo ꞌdooꞌd a kabihinne, wihi ittaawenye weeli enenyet yeelin iubaaꞌdan laka yeelle.’

Luuka 18:18

Etoo Yaꞌhuude ween wihi us Yeesso worsate, “Eti weene haaggan, mehe yeelo ꞌdee jiroti jirtuu imassan ꞌhelo?”

Luuka 5:22

Yeesso la wihi icho kamassaan garte, wihi us worsate, “Mehede malassi iꞌdaase uurassiin ka idowattaan?

Luuka 5:31

Yeesso wihi us ilaabe, “ꞌDooꞌdi ilkitárri yowti ki feffeyyan menye, iꞌdaasenyi a ki khakkhannan.

Luuka 6:8

Iꞌdaasenyi Yeesso malicho a garta wihi us eti dahan laa iyidah, “Kah enenyet tuumman ortiis tolosso.” Et ꞌdeerka kahe intaas tolossate.

Luuka 7:39

Eti Farissaayo Yeesso golol iwahe chirri us waha arge ka, wihi us uuriis goyaka yidah, “Chirri kootte rumanka eta eti Waákh íyeyyeedo yahe, makhaabassa ꞌdaꞌddaarto eti iche tahe a garta, saggi iche uskeel ikaassohatte a garta!”

Luuka 7:41

Yeesso la wihi us iyidah, “Reeroo lammee etoo kamurenye mog kakhabe. Etoo chilimmeti eti orrah kud chan hil haaggiche laguto iche kakhabe, ki addan la chilimmeti eti orrah tomon chan hil haaggiche laguto iche kakhabe.

Yoohana 13:13

Atin ani, ‘Eti ween,’ ichoow, ‘Kamur,’ menya itadeehiin? Aa! A iꞌdaas on gon. An rumanka a eti weene, toro la a Kamur.

Yoohana 16:19

Yeesso saggi iche aytaas worsan iꞌdoonto abte, ꞌdeerka wihi us iyidah, “Atin wihi an, ‘Geeddoor rucchul ka ma igartaane, ꞌdee yomboka la a iagartaan,’ kiidah, iche isworsattaan?

Yoohana 16:30

Toolla saggi at walah tuumman igaratti a agarra. At mali weeli enenyet geeddi us walah isooidaahan laka a garatta. Jeentetaas u, saggi at Waakh ikatimiy a rummeysanna.”

Yoohana 3:2

Ulla ibeen Yeesso iyimiyye wihi us iyidah, “Eti ween, saggi at etoo Waakh sooergate enenyet walah abcho itahe a garanna. A mehe wahanyeyyohi miigti Waakh tuso at yeesso, et addane yeelo mele, eti Waakh leejiro on menye.”