Luuka 7:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ Ínam Aadam la a yimiyye golossate, farsoti sabiib laka dame, atin la mehe tidaaheen ya, ‘ꞌDamaanki toro meleefeenye ꞌdooꞌdi kooddi goocho ichoow ki uskeel leh aal kabahsati kalla.’

Luuka 7:34 ပူးပေါင်းရင်းမြစ်များ

Mattaayo 11:19

Ínam Aadam a yimiyye, golossate, farsoti sabiib laka dame icho la mehe essaan ya, ‘ꞌDamaanki toro meleefeenye ꞌdooꞌdi kooddi goocho ichoow ki uskeel leh aal kabahsati kalla.’ Iꞌdaasenyi kharati Waakh runtiche wihi iche yeesso lakaarga.”

Mattaayo 5:46

Chirri atin ꞌdooꞌdi atin ꞌdoono kalday on ꞌdoontaan, kalaꞌd atin sugtaan mele. A mehe ꞌdooꞌdi kooddi goocho laka iꞌdaas on yeela.

Mattaayo 9:11

Farissaayo chirri iche waha agarte ka, wihi iche abattitiis worsatte, “Eti atin iween a iꞌdoh ꞌdooꞌdi kooddi goocho ichoow ki uskeel leh ileegolossata?”

Luuka 11:37

Chirri Yeesso yeed massiche ka etoo Farissaayee minkiis ka golol iwahe. Yeesso ꞌdeerka min gele komborti ballaaddane lakagolossati garabiche ka dikkil kareeye.

Luuka 14:1

Maantoo Yeesso a irte Seeri Lanaso ka minki etoo weene Farissaayee kagolossate, mujjume lafiiriche.

Luuka 15:2

Iꞌdaasenyi Farissaayo ichoow tagaammeti amurre ba nyunnyuweene wihi icho yidaaheen, “Eta ꞌdooꞌdi uskeel lehe soodowweesta toro leegolossata!”

Luuka 19:7

ꞌDooꞌd dakkhan la chirri us waha arge ka, nyunnyuwe wihi us yidah, “Eta goobi eti uskeel lehe irta.”

Luuka 5:29

Laawi saahka goobiis ka sukuukuhi buure Yeesso ibahche, ururi buurenye ꞌdooꞌdoo kooddi goocho illeh kijiraan ichoow ꞌdooꞌdoo addan icho a leegolossata.

Luuka 7:33

A mehe Yoohanahi Enenyet Baattissiyo maanti us yimiy farsotoo rucchule sabiib laka ma ubhaabane, toro la geeddi buure af hiite, atin la jeentetaas u wihi atin tidaaheen, ‘Usu alah ginna dakhatta!’

Luuka 7:35

Iꞌdaasenyi kharati Waakh runtiche jiroti ꞌdooꞌdi raaho tuummane lakaarga.”

Luuka 7:36

Etoo Farissaayee maantoo Yeesso golol iwahe, Yeesso la ꞌdeerka minki etaas irte, komborti ballaaddane lakagolossati garabiche ka dikkil kareeye.

Yoohana 12:2

Yeesso intaas ka gololi gelebeet liikarche. Maarta la icho goollisse. Laassaro ꞌdooꞌdi Yeesso leegolossate a leejire.

Yoohana 2:2

Yeesso ichoow abattitiis laka oroosaas a liiwahe.