Luuka 7:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² ꞌDeerka wihi us reeri lasooergate ilaabe, “Nyaama nokhda, Yoohana waha atin agarteen ichoow waha atin daagteen icheeka. ꞌDooꞌdi indo laa indo a bahcha, ki goorat luhlo ikhabin la luhlo a bahcha. ꞌDooꞌdi buꞌdayyo sar kakhabe a lasamaacha, ki dogo laa la dogo a bahcha. ꞌDooꞌdi tuume omoot a lakasookahcha, ꞌdooꞌdi wahanyeyyohi Waakh miinsan ka miskiine la Wori Haaggan a liicheeka.

Luuka 7:22 ပူးပေါင်းရင်းမြစ်များ

Mattaayo 11:5

ꞌDooꞌdi indo laa kola indo a bahcha, ki luhlo ikhabin luhlo a bahcha. ꞌDooꞌdi buꞌdayyo sar kakhabe a lasamaacha, ki dogo laa la dogo a bahcha. ꞌDooꞌdi tuume la omoot a lakasookahcha. ꞌDooꞌdi wahanyeyyohi Waakh miinsan ka miskiine la Wori Haaggan a liicheeka.

Mattaayo 21:14

ꞌDooꞌdi indo laa ichoow ꞌdooꞌdi luhlo laa Yeesso uranti minki Waakhe buure ka liikeene, ulla icho samaache.

Luuka 4:18

“Rubeyti Kamur a ileejirta, iꞌdi tahe usu a isubhe ꞌdee Wori Haaggan miskiino icheeka. Kamur a isooergate, ꞌdee ꞌdooꞌdi uskeel hide saggi Kamur isoofuro icheeka, ꞌdooꞌdi indo laa la Kamur indo a fura, ꞌdooꞌdi sina lakawaaricho la Kamur sina a kabahcha.

Luuka 7:21

Yeesso la chirraakka ꞌdooꞌdi ittaawenye khakkhannan ichoow ki bolokh khabo ichoow ki ginnayyo dakhtaan samaache. ꞌDooꞌdi ittaawenye indo laa la indo fure.

Luuka 7:23

Eti Waakh imaalo a ki jeenteteey u kakhuufnaanki us ikakhuufo iꞌdiin.”

Yoohana 1:46

“Ilkerengeetti Naasaret a! Rumanka wohoo rucchule haaggan intaas a kasoobahaan on a?” Naꞌdaanayel worsate. Fiilif la wihi us iyidah, “Kaale, isiagar.”

Hilassi Ergaano 26:18

Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

Hilassi Ergaano 8:7

ꞌDooꞌdi ittaawenye ginnayyo dakhtaan, riirit ka ginnayyo kabaheene, ꞌdooꞌdi sare hanjaawte ichoow ꞌdooꞌdi luhlo laa laka a lasamaache.

Yaakoobo 2:5

ꞌDooꞌd Kiriistokaaw, waha daaga bal, Waakh ꞌdooꞌdi harrata ka miskiin liiekkaacho ma soobahsanne, ꞌdee kakhuufnaanki icho Yeesso kakhuufaan ka Waakh icho kamurre ma iekkaanna? Toro la Waakh ꞌdooꞌda ma soobahsanne ꞌdee dakhi Waakhe Waakh ꞌdooꞌdi usu ꞌdoono iayyiche ma muꞌdan a?