Luuka 7:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Kamur chuꞌus makhaabál arge ka, uur isoonugleeste wihi us iyidah, “Ooyine chubbah!”

Luuka 7:13 ပူးပေါင်းရင်းမြစ်များ

Marko 8:2

“An ꞌdooꞌda weyti uur isoonugleesda. Maan seyyah dakkhan ani on ileejire wihi icho yamhiin la ma khabaan.

Luuka 10:1

Saahka toro Kamur reeroo addane tomon teeba ichoow lammee soobahche, et lallamma ka iskaꞌdare, ilkerengeeto ichoow meessi tuummane us dowwanoha ka sooirti iergate.

Luuka 11:1

Maantoo Yeesso intoo ka a weesta. Inkoo us weysi massiche ka etoo abattitiise wihi us iyidah, “Kamur saggi liiweesti nah abi iꞌdi goorat Yoohana laka abattitiis iabchuu.”

Luuka 11:39

Kamur ꞌdeerka wihi us iyidah, “Atinha Farissaayo, kokkoob ichoow baakhuul khariissa dikhtaane, iꞌdaasenyi uuriin goya ꞌdamaam ichoow suujoone buuha.

Luuka 12:42

Kamur wihi us ilaabe, “Kamalda bal, ilbooyi weene lakakhuufo toro kharee a ayyo? A ki kamuriis ilbooyyetiis dahantiis gesso ꞌdee sahaꞌddi mujjume ka ilbooyye goollicho.

Luuka 13:15

Kamur wihi us ilaabe, “Iskaayyeessooy! Etiimba Seeri Lanaso ka heeriis ommos eheliis inti lakahide ka ma furo ma yegcho?

Luuka 17:5

Maantoo ergaano wihi iche Kamur itidah, “Kamur, nah gargaare ꞌdee weyti Waakh a kakhuufno.”

Luuka 17:6

Wihi us ilaabe, “Chiꞌ kakhuufnaanki atin Waakh kakhuuftaan rucchuleel ka geeddi ilinti geeyi dahar yahe, a geeddi atin geeya inta katoollo, ‘Hiiyyay khabtaayi inta kabukkhe beyti buure goya kasoobah,’ itadeehiine, geey la wihi atin itidaaheen yeelo.”

Luuka 18:6

Kamur toro wihi us yidah, “Bal etaas khollokkhane ꞌdooꞌd hukkumo wohoo kaabda.

Luuka 19:8

Iꞌdaasenyi Sakkaayo tolossate wihi us Kamur iyidah, “Kamur, yey! Wihi an khabo tuumman seleye goocha nyuusicho miskiin siicha. Chirri goorat an etoo ekkeesde wohoo kakhaate la, wihi goorat an kakhaate kol affartichooda ilaaba.”

Luuka 22:61

Kamur la urgiye Beetero indo kakhabte. Beetero ꞌdeerka yeedi Kamur iyidah kasooꞌhele, “Maalinka geeddi lukki iriirin, at kol seyyah, ‘Ma kigardi!’ tadeeh.”

Luuka 24:3

Iꞌdaasenyi chiꞌicho goꞌd goya geleen ka, sar Yeessohi Kamure goya kawaayeen.

Luuka 24:34

wihi icho iyidaaheen, “Kamur rumanka omoot ka a sookahe! Ulla Siimon a isoobahe!”

Luuka 7:12

Chirri us aritti ilkerengeeteet sooeleele ka, inanki kaldaye makhaabassoo muunkhee leetehe usuhi buje hawwaal liisiꞌdo kasooyegeen. Ururi buurenye ilkerengeet kayimiy la iche a leejire.

Luuka 7:14

Ulla ꞌdeerka irte, lallaabohi inanki buje lakasiꞌdo ꞌdaare. ꞌDooꞌdi siꞌdo la tolossate. Yeesso la wihi us yidah, “Irka sookahe kidowa!”

Luuka 7:19

Kamur iergate wihi us worsate, “At a Ki Lasubhe lasugo, bal etoo addane sugna?”

Luuka 8:52

Geeddaas la enenyet tuumman jeentetichuu a uuwwicha ooya. Yeesso la wihi us yidah, “Uuwwinna! Weel ma umaatane iꞌdaasenyi a urꞌda!”

Yoohana 11:2

Maariyata la a ti ꞌdee Kamur miricchi luhlo kasubahto, tintiche la kahiyyaayto. Maariyatane walaalicheki Laassaro layadeeh khannate.

Yoohana 11:3

Albeha isleedesse, Yeesso farniin iꞌdiiche, “Kamur, aalaahki at weyti ꞌdoonto a khannanyahe,” iyidah.

Yoohana 20:13

Herti Waakh wihi iche Maariya worsatte, “Weela a iꞌdoh iooyta?” Maariya la wihi iche tidah, “Sar Kamuraaya lakhaate, inti lagesse la ma gardi!”

Yoohana 20:15

Yeesso la wihi usu iyidah, “Weela a iꞌdoh iooyta? Ayyo yowatta?” Iche la kol eta ki gos hil kahaaggicho yahe koogtahe, wihi iche tidah, “Eti ween, chirri at sartiis khaatte, inti at gelisse isoocheeke, a irdi a sookhaato.”

Yoohana 4:1

Farissaayo saggi Yeesso abattiti too Yoohana kiittaawe ibahsate toro la ibaattissiyo daagte.

Yoohana 6:23

Koobanohoo anki ilkerengeetti Tibeeriya kayimiy la yimaateene, inti chele inkoo Kamur Waakh kalaꞌd ilaabe urur fiddiye makaate kayuhum yimaateen.

1 Koriinto 7:30

ꞌDooꞌdi ooyo la, iꞌdi ꞌdooꞌdi iooyin a ijiro. ꞌDooꞌdi hamaado la iꞌdi ꞌdooꞌdi ihamaadin a ijiro. Ki walah gatti la iꞌdi ki meehaas kiis ieheynan a isiekkaacho.

1 'Dessaloonika 4:13

Toollaka ꞌdooꞌd Kiriistokaaw, atinhi wihi ꞌdooꞌd Kiriistoki tuume kayateeh wihicho abattaane ꞌdoonna, ꞌdee jeentetichuu iꞌdi ꞌdooꞌdi addane khajjeel ikhabin u ooyina.

Ibiraaniya 2:17

Jeentetaas u sagag tuumman ka iꞌdi ꞌdooꞌdi uuriisenye yitahye, kuhaanihi weyti weene hili Waakh ka lakakhuufo toro uur nugul yitah. Ulla toro iꞌdane yeele, ꞌdee soorriyoti holi Waakh laabto bahcha, ꞌdee Waakh uskeeli weeli enenyet kakuta.

Ibiraaniya 4:15

Kuhaaniheenka weyti ween la ꞌdabakkheen tuumman a isoonaha. Iꞌdi tahe sagag tuumman ka saggi kajmeti uskeel inno kaluguꞌddo inno liikakajo on usu laka liikaje, iꞌdaasenyi uskeeloo rucchul laka ma gelin.