Luuka 6:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Iꞌdaasenyi Yeesso malicho a garta wihi us eti dahan laa iyidah, “Kah enenyet tuumman ortiis tolosso.” Et ꞌdeerka kahe intaas tolossate.

Luuka 6:8 ပူးပေါင်းရင်းမြစ်များ

Mattaayo 9:4

Yeesso malassicho garte, wihi us worsate, “Mehede mala suuje uurassiin ka idowattaan?

Marko 3:3

Yeesso wihi us eti dahane hanjaawte iyidah, “Enenyet tuumman ortiis tolosso!”

Luuka 13:12

Chirri Yeesso iche arge ka, iche enenyet ortiis iwahe toro wihi us iyidah, “Makhaabassa, sugeeraah a lakaabahche!”

Luuka 5:22

Yeesso la wihi icho kamassaan garte, wihi us worsate, “Mehede malassi iꞌdaase uurassiin ka idowattaan?

Luuka 6:9

Yeesso ꞌdeerka wihi us icho iyidah, “Wihi an atin worsadi, wihi haaggane layeelo ichoow suujoonki layeelo koh amurreteen israahaan? Jiroti enenyete laribo israahaan bal jiroti enenyete labaabiicho?”

Yoohana 2:25

Walah etoo miinsane usu liicheeko mele, iꞌdi tahe usu rubeytiis uuri weeli enenyet a garta.

Yoohana 21:17

Koli seyyahnaatteet Yeesso toro inokhte, wihi us iyidah, “Siimon, ínam Yoohana, at rumanka a iꞌdoonta?” Beetero jeenteti Yeesso kol seyyah, “At a iꞌdoonta?” iworsatuu, fool ribowe, wihi us iyidah, “Kamur, at walah dakkhan a garatta. Saggi an kiꞌdoono la a garatta!” Yeesso wihi us iyidah “Tab giꞌde, ꞌdooꞌdeeyki iꞌdi iiyteeye goolli.”

Yoohana 9:4

Geeddi il on maalim yahe, hili Waakkhi isooerge a haagginna. Mugꞌdi la a soogela, ki etoo kalday laka hil ihaaggin.

Hilassi Ergaano 20:24

Iꞌdaasenyi jiroteey walah iche ileetahe mele. Wihi ileekhumman, a anihi weyti hol dowo, hili Waakhe Yeessohi Kamure dahanoheey soogesse massicho. Hila la a Wori Haaggane an haaggi Waakhe buurenye inno imunneynan enenyet icheeko.

Hilassi Ergaano 26:26

Agiribbahi karnate, an roorro laane kileeyyeeda. Wihi an tissibo, at wahanyeyyoha tuumman a garatta. A mehe inti dagsan ma lakayeelin.

Fiiliffi 1:28

Wahaas tuumman ka ꞌdooꞌdi atin tirrimo ma karoortaan. Waha a sumatti saggi Waakh icho ibaabiicho, iꞌdaasenyi atin iribo tusso. Ki waha tuumman yeelo a Waakh.

Ibiraaniya 4:13

Wohoo rucchule lasoouume Waakh lakadagcho ma jiraan, Waakh ortiis ka walah tuumman a nyiikhsanyahiin one, iꞌdaanu arga. Waha a Waakkhi berri wihi inno yeelle tuumman inno worsati.

1 Beetero 4:1

Maantaka sar Yeesso Kiriisto jeenteteen u sina a loomhiche gone, taba atin laka saggi us imasse imalda. Iꞌdi tahe eti sartiis sina loomhiche uskeel a kasoonokhte.

Bakkaahit 2:23

ꞌDooꞌdi iche raaho a bakkicha, ꞌdee urur Kiriisto tuumman saggi an uur ichoow mali weeli enenyet ifiiricho rumanka abta. Ebba wihi us yeelo ichoow wihi an guto a israahaan.