Luuka 6:30 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁰ Eti tuummane walah kidaahe siiche, chiꞌ etoo wohoo wahaahe khaate la, aleemarmine a kasookhaatin.

Luuka 6:30 ပူးပေါင်းရင်းမြစ်များ

Mattaayo 18:35

“Sammata at walaalaah uuraah ka tuum uskeel ikakutin, Aabbaheeyki serey jiro laka, etiimba iꞌdaas on yeela.”

Mattaayo 5:39

Iꞌdaasenyi wihi an atin iadeeh, eti suuje aleetirrimin. Chirri etoo fodoori miigeet kiguꞌdde, fodoori addan laka siiche a kiguꞌddo.

Mattaayo 6:12

Uskeeli nah yeelle nah ikakut, saggi nah laka ꞌdooꞌdi uskeel nah iyeele uskeel ikakunnuu.

Luuka 11:41

Iꞌdaasenyi gololi baakhuul goya kijiro miskiin siicha ꞌdee walah tuumman ka biꞌdir a bahtaanee.

Luuka 12:33

Wihi atin khabtaan ororicha, ꞌdee chilimme miskiin siicha. Urgohi chilimme jirtuu imassan isiyeela, kamurroonkiin goobi Waakh gessa, inti icho iꞌdaaru laka ikanuglaanne, liihatine, riirintoo rucchul laka ikaꞌdaarin gessa.

Luuka 18:22

Chirri Yeesso waha daage ka wihi us et iyidah, “At uliba wohoo kaldaye kaankhan. Nyaame wihi at khabto tuumman ororiche, chilimme la miskiin siiche, kamurroonki goobi Waakh ꞌhele, ꞌdee kaale isooraah.”

Luuka 6:29

Chirri etoo fodooroo kiguꞌdde, fodoori addan laka siiche a kiguꞌddo. Chirri etoo kabuuꞌdaah kaakhaate, ubbaaraahki deere us khaato laka atiran.

Luuka 6:31

Wihi kootte incheenka atinhi atin liiyeelo ꞌdoontaan, ꞌdooꞌdi addan iyeela.

Luuka 6:38

Enenyet walah siicha, atin la walah a atin lasiichaa. Wihi buurenye, meel liijahe, laruhe ichoowka khubti iche sabho lakaachiba. A mehe geeddi atin ꞌdooꞌdi addan iyeessaan, geeddaase atin liiyeela.”

Hilassi Ergaano 20:35

Walah tuumman ka saggi inno hol idowno inno ꞌdooꞌdi ꞌdaꞌddaran igargaarro a atin tuse. Anna wihi goorat Yeessohi Kamure yidah iche kasooꞌhele. Kamur mehe yidah ya, ‘Eti walah diibo weyti hamaad khaba ki khaatti ka.’ ”

2 Koriinto 8:9

Iꞌdi tahe haaggi buurenye koo Yeesso Kiriistohi Kamureene a garattaan. Chiꞌ kamurroon tuumman kiis yahe laka, jeentetiin u miskiine yitahye, ꞌdee miskiinkiis ka kamurrowtaan.

Efeesso 4:28

Eti goorat hatto kaassohti, hatto a ꞌdiicho, hil a haaggicho, wohoo khumman a yeelo ꞌdee eti intiis gaabantahe wihi us leegismo a khabo.