Luuka 6:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Waakh a atin imaala maanti enenyet jeente Ínam Aadam u atin ꞌdiiꞌdo, atin riho, ommos atin abaaro, magahiin uskeeli nool kawaho.

Luuka 6:22 ပူးပေါင်းရင်းမြစ်များ

Mattaayo 10:18

Jeenteteey u gaafanayyo ichoow karnato atin liigeecha, atin la garti Wori Haaggan icho ichoow yaafohi Yaꞌhuud ieheynan itateehiin.

Mattaayo 10:22

Enenyet tuumman a atin ꞌdiiꞌda jeenteti atin abattiteey itahiin u. Iꞌdaasenyi, eti garrahsate ichoowka sinata ꞌdubiche eleele a lariba.

Mattaayo 10:39

Eti tuummane jirotiis khuccho jiroti rummaat a waaya. Eti tuummane harrata ka jirotiis ani iwaayo la, jiroti rummaat a ꞌhela.

Luuka 20:15

ꞌDeerka gosi sabiib khariis ijiiteene, yigaaseen. “Kamalda bal, eti gosi sabiib leh ꞌdeerka icho mehe yeela?

Luuka 21:17

Enenyet tuumman a atin ꞌdiiꞌda jeenteti atin abattiteey itahiin u.

Luuka 6:21

ꞌDooꞌdi Waakh imaalo, a atinhi toolla raarah khabtaan, iꞌdi tahe a atin ladargichaa! ꞌDooꞌdi Waakh imaalo, a atinhi toolla ooytaan, iꞌdi tahe a atin lahamaadichaa.

Yoohana 12:42

Chirraas weynaanti Yaꞌhuud buurche laka usu a rummeysatte. Iꞌdaasenyi jeenteti iche Farissaayo ikaroortuu, saggi iche Yeesso ikakhuufte ma cheekin, minki weysiite Yaꞌhuude lakabahcho iche karoortaa.

Yoohana 16:2

Minassi weysiite Yaꞌhuud ka a atin lariha. Ibeen la a yamiit, ki eti atin yagiis tuumman, kol us wihi us yeelo ka Waakh gargaaro koogyahe.

Yoohana 17:14

An woraah a siiche, ꞌdooꞌdi wahanyeyyohi harratane sussuuje raaho la icho a ꞌdiiꞌde. Iꞌdi tahe icho ki harrata mee, iꞌdi an laka ki harrata ieheynan u.

Yoohana 7:7

ꞌDooꞌdi wahanyeyyohi harratane sussuuje raaho walah us atin kaꞌdiiꞌdo mele, iꞌdaasenyi ani a iꞌdiiꞌda. Wihi us ikaꞌdiiꞌdo la, a jeenteti jiti icho kajiraane an cheeko a suuj ikadowo.

Yoohana 9:34

Waha ka wihi icho laabeen, “At uskeel goya kadelatte, toro la uskeel goya on kaweynaatte. Saggoh toollaka nah walah nah iabissa?” Khar iseyeen.

Hilassi Ergaano 22:22

ꞌDooꞌd Baawulo dagansate ichoowka yeedaas yaafohi Yaꞌhuud ieheynan miinsan yidah. ꞌDeerka enenyet weyti riire, “Eta harrata kabahcha! Agiisa, jiro ma iroone!” yidaaheen.

Hilassi Ergaano 24:5

“Eta wihi nah kaagarre, a etoo weyti sina keeno. Harra tuumman ka etane ꞌdooꞌdi Yaꞌhuud goyaka ururi il baabulo sootukkicha. Rabitti suujenye eti Naasaret raahto laka usu matakkichee.

Hilassi Ergaano 9:16

Anna sinati usu latuso jeenteti us keey iyahuu iche tusa.”

Yaakoobo 1:12

Waakh eti sinayyohi kharaat ka garrahsati a imaala. A mehe inkoo us kajmeyyohaas ka mujjum tolossate, Waakh kalaꞌddi us ꞌdooꞌdi usu ꞌdoono iayyiche iche siicha, kalaꞌdda la a jiroti jirtuu imassan.

1 Beetero 3:14

Iꞌdaasenyi chirri jeenteti wihi fissane atin yeessaan on sina atin loomhicho, a atin liimaale. “Wihi icho karooraan akaroorina, anahina.”