Luuka 6:20 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁰ Yeesso la abattitiis yeye, wihi us yidah, “ꞌDooꞌdi Waakh imaalo, a atinhi toolla miskiine, a mehe dakhi Waakh a kiinna.

Luuka 6:20 ပူးပေါင်းရင်းမြစ်များ

Yaakoobo 2:5

ꞌDooꞌd Kiriistokaaw, waha daaga bal, Waakh ꞌdooꞌdi harrata ka miskiin liiekkaacho ma soobahsanne, ꞌdee kakhuufnaanki icho Yeesso kakhuufaan ka Waakh icho kamurre ma iekkaanna? Toro la Waakh ꞌdooꞌda ma soobahsanne ꞌdee dakhi Waakhe Waakh ꞌdooꞌdi usu ꞌdoono iayyiche ma muꞌdan a?

2 Koriinto 8:9

Iꞌdi tahe haaggi buurenye koo Yeesso Kiriistohi Kamureene a garattaan. Chiꞌ kamurroon tuumman kiis yahe laka, jeentetiin u miskiine yitahye, ꞌdee miskiinkiis ka kamurrowtaan.

Luuka 12:32

“Chaꞌatin iꞌdi woyhoo adi rucchul tahiin laka, roorro akhabina. Iꞌdi tahe wihi Aabbahiin gooche, us hamaad ka dakhiis a atin siicha.

Mattaayo 25:34

“Karnat ꞌdeerka wihi us ꞌdooꞌdi ankiiski miigeet toollo iyadeeh, ‘Kaaleya, atinhi Aabbaheey atin imaale, goobi Waakhe atin liiabbire, uus harra lasoouume atin muꞌdantahiin gela.

Bakkaahit 2:9

Sinati atin loomhicho ichoow miskiinkiin a garda. Iꞌdaasenyi atin a kamurre! Saggi ꞌdooꞌdoo Yaꞌhuud isyadeehe toro la Yaꞌhuud ieheynan suujoonki nool atin ikadowo a garda, iꞌdaasenyi icho a minki weysiite Yaꞌhuude Seytaan dakhti.

2 Koriinto 6:10

Rubeyoheenyo a bolkhaane iꞌdaasenyi kol dakkhan a hamaana, a miskiino iꞌdaasenyi ꞌdooꞌdi buurenye kamurroonna. Walah weheenyee mele toro la walah tuumman a khabna.

Yaakoobo 1:12

Waakh eti sinayyohi kharaat ka garrahsati a imaala. A mehe inkoo us kajmeyyohaas ka mujjum tolossate, Waakh kalaꞌddi us ꞌdooꞌdi usu ꞌdoono iayyiche iche siicha, kalaꞌdda la a jiroti jirtuu imassan.

2 'Dessaloonika 1:5

Waha la mehe tusaan ya, Waakh saggi imasse enenyet ihukkuma, ꞌdee ꞌdooꞌdi dakhi Waakh muꞌdan atin liiekkaacha. Atin la jeenteti Waakh atin idakhti iche chiiytiin sina atin iomhissa.

1 'Dessaloonika 1:6

Atin chirri sinayyo atin loomhiche laka, Wori Haaggan hamaadi buurenye Rubeyti Munyee atin siisse iche kakhaatatteen. Iꞌda ka la, atin dabateenyo ichoow koo Kamureen a raahteen.

2 Koriinto 8:2

Sinayyohi buurenye lakakaje, iꞌdaasenyi hamaadicho weyti buuraate, miskiinkichoki buuraate ka la icho weyti walah diibin ꞌdooneen.

Hilassi Ergaano 14:22

Ilkerengeetohaas ka abatti uur miigoocheene ꞌdee kakhuufnaanki icho Kiriisto kakhuufaan mujjum khucchaan. Wihi icho iyidaaheen, “Wihi massan, sinayyohi buurenye inno isoobaha dakhi Waakh kagella.”

Luuka 14:15

Chirri etoo kootte Yeesso leefiddiyo waha daage ka wihi us Yeesso iyidah, “ꞌDooꞌdi berri sukuukuhi goobi Waakh kagolossati hamaadoo geeddohenye khaba!”

Luuka 13:28

Atin la maanti atin Aburaaham ichoow Isakh ichoow Yaakoobo ichoow ꞌdooꞌdi goorat Waákh íyeyyeedo goobi Waakh ka agartaane, iꞌdaasenyi atin atin lariho, a ooytaane bolokh ka ilko iskarobtaan.

Luuka 4:18

“Rubeyti Kamur a ileejirta, iꞌdi tahe usu a isubhe ꞌdee Wori Haaggan miskiino icheeka. Kamur a isooergate, ꞌdee ꞌdooꞌdi uskeel hide saggi Kamur isoofuro icheeka, ꞌdooꞌdi indo laa la Kamur indo a fura, ꞌdooꞌdi sina lakawaaricho la Kamur sina a kabahcha.

Mattaayo 11:5

ꞌDooꞌdi indo laa kola indo a bahcha, ki luhlo ikhabin luhlo a bahcha. ꞌDooꞌdi buꞌdayyo sar kakhabe a lasamaacha, ki dogo laa la dogo a bahcha. ꞌDooꞌdi tuume la omoot a lakasookahcha. ꞌDooꞌdi wahanyeyyohi Waakh miinsan ka miskiine la Wori Haaggan a liicheeka.

Luuka 16:25

“Iꞌdaasenyi Aburaaham wihi us ilaabe, ‘Inankaaaw saggi goorat at jirotaah ka wahaahki haaggan iꞌhesse Laassaro la wihi sussuuje iꞌhele kasooꞌhel. Iꞌdaasenyi us toolla inta ka uure lakhoboocha, ati la bolokkhi uskule khabta.

Mattaayo 5:1

Yeesso inkoo us ururi buure arge ka, irte burroo kore, orronte. Abattitiis la isookhayte.