Luuka 5:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Chirri Siimonhi Beetero layadeeh wihi yitah arge ka, inkaanyit ka Yeesso ortiis ka jilbo il kaguꞌdde wihi us iyidah, “Kamur an a eti uskeel leh, nyaam ikatab.”

Luuka 5:8 ပူးပေါင်းရင်းမြစ်များ

Mattaayo 17:6

Abatti uus iche hooy daagte ka, weyti nahte il guꞌdubte fool il kakhabatte.

Mattaayo 2:11

Chirri icho min geleen ka, weel ichoow Maariyati abartiise argeene, jilbo il kaguꞌddeene weel wahteen. Urgohicho fureene, gaalkahsihi weyti gato miigenye icho sookhaateen soobahcheene, siicheen. Gaalkahsiha la a ꞌdahab ichoow halalle ichoow miricchinye.

Mattaayo 8:8

Etaas koobbintoo iskareet itoollo la wihi us Yeesso ilaabe, “Kamur, at minkeeyki at tamiit ma muꞌdane iꞌdaasenyi intaas on ka sooyeed, ilbooyeey la a samaataa.

Luuka 5:7

ꞌDeerka wahalhichoki koobanhi addan fuulo dahan ka waheene, ꞌdee a gargaareen. Icho la yimaateene, kooban lammacho bahag labuuhiche ichoowka kooban bicche goya kabaabiin leheet.

Luuka 5:9

A mehe Siimon ichoow wahalhiis tuumman ba bahaggi ittaawenye icho khabteen ka weyti girmeesteen.

Yoohana 11:32

Maariya inti Yeesso kajire sooeleesse, uus iche Yeesso agarte ka, luhlohiis ka jilbo il kaguꞌdubte, wihi iche tidah, “Kamur, kootte at inta kajirte ka, walaaleey ma yamuut.”

1 Koriinto 13:12

Wihi toolla inno agarro tuumman, a iꞌdi oosinti mujjum liiargine, kitaab goya kajirto on. Berri la waha rumanka mujjum a agarra. Toolla walah tuumman geeddoo on garda, berri la Waakh saggi us tuum ani igartuu an laka usu tuume abda.

Bakkaahit 1:17

Chirri an usu arge ka, an iꞌdi eti yumuy u, ortiis kasoodihe. Ulla dahantiisti miigeet ikorche, wihi us iyidah, “Roorro akhabin. Ani Oreyenye toro ani Salaahime.