Luuka 5:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ ꞌDeerka wahalhichoki koobanhi addan fuulo dahan ka waheene, ꞌdee a gargaareen. Icho la yimaateene, kooban lammacho bahag labuuhiche ichoowka kooban bicche goya kabaabiin leheet.

Luuka 5:7 ပူးပေါင်းရင်းမြစ်များ

Marko 4:36

Abatti Yeesso iꞌdiis yahaayi khaatte kooban kaleedihte, dowte, urur bey afichekaas katabte. Koobanohoo addan laka kicho a leejireen.

Luuka 5:6

Orooh bicche goya kalugꞌdeene, bahaggi weyti ittaawe khabteene ichoowka oroohe soogoote.

Luuka 5:8

Chirri Siimonhi Beetero layadeeh wihi yitah arge ka, inkaanyit ka Yeesso ortiis ka jilbo il kaguꞌdde wihi us iyidah, “Kamur an a eti uskeel leh, nyaam ikatab.”

Hilassi Ergaano 11:25

Barnaba ꞌdeerka ilkerengeetti Taarso irte, Saawulo yowte.

Galaatiya 6:2

Huleesi jiro eti addan fuulo isleeokkhicha. Iꞌdaas ka amur Kiriisto a buuhissaan.

Fiiliffi 4:3

Atihi wahalheeyenye lakaakhuufo, deyyehota weyti hol ileedowte, Wori Haaggan ileecheekte a kidaahe gargaar. Toro la Kileement ichoow ꞌdooꞌdi addane tuummane Wori Haaggan ileecheeke, magahenyeticho buuggi ꞌdooꞌdi jiroti jirtuu imassan ꞌhelo lakachiire laka gargaar.