Luuka 5:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ Yeesso wihi us ilaabe, “ꞌDooꞌdi mindischo yimiy geeddi us eti min disti leejiro af a hiita?

Luuka 5:34 ပူးပေါင်းရင်းမြစ်များ

Mattaayo 22:2

“Dakhi goobi Waakh iyookkoka, a iꞌdi karnati inankiis min disti ulla oroosi buure ibahcho.

Mattaayo 9:15

Yeesso wihi us ilaabe, “ꞌDooꞌdi mindischo yimiy ma ooyo geeddi eti min disti intaas kijiro menya? Maane a tamiit ti ꞌdooꞌd eti min disti lakakhaato, ꞌdeerka ꞌdooꞌd af hiiti.”

Luuka 5:33

Icho la wihi icho Yeesso iyidaaheen, “Abatti Yoohana ichoow too Farissaayo kolassi ittaawe af a hidatta, weysatta, iꞌdaasenyi taah a golossatta one walah danta.”

Luuka 5:35

Iꞌdaasenyi maane a tamiit, ti ꞌdooꞌd eti min disti lakakhaato. Maanassaase ꞌdee ꞌdooꞌd af hiita.”

Yoohana 3:29

Mindischo ka, eti min disti iche iname makhaabassiis tahe. Aali eti min disti la, chirra us hooyi eti min disti daago, iche hamaada. Annaka jeentetaase weyti ihamaada.

2 Koriinto 11:2

A mehe an inaafi Waakh kayamiite atin ikhaba. A mehe iꞌdi inanti laalkumuu an etoo a atin siiche, kaas la a Kiriisto. Iꞌda ka iꞌdi inanti ladisti miꞌdab itahuu Kiriisto atin ikeena.