Luuka 5:32 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³² ꞌDooꞌdi an iimiyye an waho, ki ꞌdooꞌdi fiffissan isiekkaacho menye, iꞌdaasenyi a ki uskeel lehe, ꞌdee uskeelicho a kasoonokhti.”

Luuka 5:32 ပူးပေါင်းရင်းမြစ်များ

Mattaayo 18:10

Taba nyaakhuti rurrucchul aꞌdarraawina. Iꞌdi tahe wihi an atin iadeeh, herti Waakhe goobi Waakh ka icho yuubisso kol dakkhan goobi Waakh ka fool Aabbaheey a agarta.

Mattaayo 9:13

Iꞌdaasenyi taba wihi yeeda essi wihiis abda, ‘An soorriyoti at ibihisso menye, atihi ꞌdooꞌdi addan uur inugleysatti iche ꞌdoona.’ A mehe ꞌdooꞌdi an iimiyye an waho, ki ꞌdooꞌdi fiffissan isiekkaacho menye, iꞌdaasenyi a ki uskeel leh.”

Marko 15:10

A mehe us saggi kuhaaniyyohi wewween jeenteti kalꞌdarri on u Yeesso dahanohiis igesseen a garta.

Marko 15:7

Etoo Barraba layadeeh ichoow ꞌdooꞌdoo sirgaal ꞌdiiꞌdo diho ka enenyet dubunuunu bakkiche jeela kijiraan.

Marko 2:17

Yeesso la chirri us wihi icho essaan daage ka wihi us iyidah, “ꞌDooꞌdi ilkitárri yowti ki feffeyyan menye, iꞌdaasenyi a ki khakkhannan. ꞌDooꞌdi an iimiyye an waho, ki ꞌdooꞌdi fiffissan isiekkaacho menye, iꞌdaasenyi a ki uskeel leh.”

Luuka 15:10

Wihi an atin icheeko, saggaase herti Waakh ihamaadda chirri etoo kalday uskeeliis kasoonokhte.”

Luuka 15:7

Wihi an atin iadeeh, saggaas on u, goobi Waakh ka hamaadi buurenye jira jeenteti etoo kaldaye uskeeliis kasoonokhtuu. Hamaadi eta khabo hamaadi et tomon saagaal ichoow et saagaal fiffissane uskeelicho ikasoonokhan weyti kussanyahe.

Luuka 19:10

A mehe Ínam Aadam a yimiyye ꞌdooꞌdi baabe yowta, riba.”

Luuka 24:47

Ilkerengeetti weene Yeerusaleeme lakasookhabta, antohiis ka wori uskeeli lakasoonokhti ichoow uskeeli Waakh enenyet ikakuto miinsan ꞌdooꞌdi harra tuumman liicheeka.

Luuka 5:31

Yeesso wihi us ilaabe, “ꞌDooꞌdi ilkitárri yowti ki feffeyyan menye, iꞌdaasenyi a ki khakkhannan.

Luuka 5:33

Icho la wihi icho Yeesso iyidaaheen, “Abatti Yoohana ichoow too Farissaayo kolassi ittaawe af a hidatta, weysatta, iꞌdaasenyi taah a golossatta one walah danta.”

Hilassi Ergaano 17:30

Goorat ꞌhor Waakh enenyeti aytiis igaran walah us iekkaache mele, iꞌdaasenyi toolla amuri us enenyet tuumman meelbaaw us kijiro ka ibahcho, a ki icho uskeelicho kasoonokhtaan.

Hilassi Ergaano 2:38

Beetero la wihi us ilaabe, “Etiimba uskeeliis a kasoonokhti, antohi magah Yeesso Kiriisto ka a atin labaattissiyo, ꞌdee Waakh uskeeliin a atin ikakuto. Waakh la ꞌdee siinti Rubeyti Munyee a atin siicho.

Hilassi Ergaano 20:21

Wihi an ꞌdooꞌdi Yaꞌhuud ichoow ki Yaꞌhuud ieheynan icheeke a ichohi uskeel kasoonokhti ꞌdee Waakh urgiyicho toro Yeessohi Kamureene kakhuufo.

Hilassi Ergaano 3:19

Uskeeliin kasoonokhda, Waakh iurgiya, ꞌdee uskeeliin a lahiyyaayo, ꞌdee Kamur a atin imaalo,

Hilassi Ergaano 3:26

Maanti Waakh falfatiis sooerge, kolooraat atine atin isooerge, ꞌdee ebba jitiiski suuje kasoolaaba. Waakh saggaase atin ikamaale.”

Hilassi Ergaano 5:31

Waakh anki dahantiisti miigeet ka weynaache, Karnat ichoow ꞌDoorribe kayeele, ꞌdee yaafohi Yaꞌhuud uskeelicho kasoonokhtaane, Waakh la uskeelicho ikakuta.

2 Beetero 3:9

Kamur wihi us ayyiche ka ma soomalmalo iꞌdi ꞌdooꞌd gaasoo malmalli ikhaatuu. Us a atin igarrahsata a mehe usuhi etoo kalday laka iumaatane, iꞌdaasenyi enenyet tuumman uskeel kasoonokhti iche ꞌdoona.